दौंड (प्रतिनिधी संघराज गायकवाड ) : शैक्षणिक क्षेत्रात उल्लेखनीय कामगिरी करत दौंड येथील डॉ. बबन सुरेश माने यांनी आपल्या कर्तृत्वाने नवा मानाचा तुरा रोवला आहे. सावित्रीबाई फुले पुणे विद्यापीठ यांच्या वतीने त्यांना वाणिज्य (Commerce) विषयात पीएच.डी. पदवी प्रदान करण्यात आली आहे.
डॉ. माने यांनी “Impact Analysis of Selected Welfare Schemes Implemented by Pune Municipal Corporation” या सामाजिकदृष्ट्या महत्त्वपूर्ण विषयावर संशोधन सादर केले. त्यांच्या या संशोधन कार्याला प्रा. डॉ. व्ही. बी. बैरागी यांचे मार्गदर्शन लाभले. हे संशोधन Padmashri Vikhe Patil College येथे पूर्ण करण्यात आले.
डॉ. माने यांचे शैक्षणिक यश केवळ पीएच.डी.पुरते मर्यादित नसून त्यांनी B.Com, M.Com, MBA (Finance, HR), BA, MA, DTL, GDC&A आणि B.Ed अशा विविध पदव्या संपादन केल्या आहेत. तसेच SET, NET (Commerce) आणि NET (Economics) या स्पर्धात्मक परीक्षांमध्येही त्यांनी उल्लेखनीय यश मिळवले आहे.
जिद्द, परिश्रम आणि सातत्य यांच्या जोरावर मिळवलेल्या या यशामुळे दौंडच्या शैक्षणिक क्षेत्राचा मान उंचावला असून, डॉ. माने यांच्यावर सर्व स्तरांतून अभिनंदनाचा वर्षाव होत आहे.
