जळगाव: रेल्वे सुरक्षा दलाने ‘ऑपरेशन नार्कोस’ अंतर्गत मोठी कारवाई करत जळगाव रेल्वेस्थानकावर गांजाची तस्करी उघडकीस आणली. यावेळी सुमारे ८ किलो वजनाचा, अंदाजे दीड लाख रुपये किंमतीचा गांजा जप्त करण्यात आला असून दोघा संशयितांना अटक करण्यात आली आहे. याप्रकरणी जळगाव रेल्वे पोलिस ठाण्यात गुन्हा दाखल करण्यात आला आहे.
ही घटना जळगाव रेल्वेस्थानकाच्या प्लॅटफॉर्म क्रमांक २ वर घडली. संशयास्पद हालचाली करणाऱ्या एका व्यक्तीला थांबवून चौकशी केली असता, त्याच्या जवळील काळ्या बॅगेतून गांजासारखा वास येत असल्याचे आढळले. तपासणी दरम्यान त्याने बॅगमध्ये गांजा असल्याचे मान्य केले.
Advertisement by Unique Computers
👇👇Click the Image below👇👇
Advertisement by Unique Computers
👆👆Click the Image below👆👆
तपासात त्याचे नाव झबिउल्ला समिउल्ला (वय २७, रा. टँक मोहल्ला, मोदी रोड, बेंगळुरू, कर्नाटक) असे असल्याचे निष्पन्न झाले. तो बेंगळुरूला गांजा घेऊन जाण्याच्या तयारीत असल्याचेही सांगण्यात आले. या प्रकरणात सहभागी दुसरा संशयित भीमसिंह मालसिंग बारेला (वय ४२, रा. कुंड्यापाणी, ता. चोपडा, जि. जळगाव) यालाही रात्री उशिरा अटक करण्यात आली.
या कारवाईनंतर सहायक सुरक्षा आयुक्त, भुसावळ यांनी घटनास्थळी येऊन अधिक तपास व कारवाई केली.
कारवाईचे नेतृत्व आणि पथक
ही कारवाई वरिष्ठ मंडल सुरक्षा आयुक्त आणि सहायक सुरक्षा आयुक्त यांच्या मार्गदर्शनाखाली निरीक्षक अमित कुमार यादव यांच्या नेतृत्वात करण्यात आली. पथकात उपनिरीक्षक प्रफुल्ल खर्चे, हेड कॉन्स्टेबल सुशील मराठे, गोपाल जाधव, कॉन्स्टेबल मनोज मौर्य आणि पंकज वाघ यांचा समावेश होता.
रेल्वे सुरक्षा दलाच्या या कारवाईमुळे गांजाची मोठी तस्करी उघडकीस आली असून, रेल्वे स्थानकांवरील सुरक्षा व्यवस्था अधिक बळकट करण्यात येणार असल्याचे संकेत मिळत आहेत.
