मुलीच्या छेडछाडीच्या जुन्या वादातून दोघा आरोपींनी मिळून एका ४० वर्षीय तरुणाची भररस्त्यात निर्घृण हत्या केल्याची घटना खेड तालुक्यातील कडूस गावात घडली आहे. मृत व्यक्तीचे नाव संतोष बबन ढमाले (वय ४०) असून, याप्रकरणी खेड पोलीस ठाण्यात खुनाचा गुन्हा दाखल करण्यात आला आहे.
प्राथमिक माहितीनुसार, ३ जून रोजी रात्री १०.३० च्या सुमारास संतोष ढमाले आणि तक्रारदार अशोक गारगोटे चेतन बारमध्ये मद्यपानासाठी गेले होते. बारच्या बाहेर येताच आरोपी किरण शिवाजी खंडागले आणि प्रणय प्रमोद नवले हे उभे होते. संतोषने प्रणय नवलेशी बोलण्याचा प्रयत्न केला असता, पूर्वीच्या छेडछाडीच्या प्रकरणातून वाद उफाळून आला.
Advertisement by Unique Computers
👆👆Click the Image below👆👆
वाद वाढताच, आरोपींनी संतोषच्या डोक्यावर आणि चेहऱ्यावर धारदार शस्त्राने सपासप वार केले. गंभीर जखमी झालेल्या संतोषला तत्काळ चाकणमधील युनिकेअर रुग्णालयात नेण्यात आले, मात्र डॉक्टरांनी त्याला मृत घोषित केले.
पोलिसांनी गुन्हा क्रमांक ३२५/२०२५ अन्वये भारतीय दंड संहिता कलम ३०२, ३४ आणि शस्त्र अधिनियम कलम ४ (२५) अंतर्गत गुन्हा नोंदवला असून, आरोपींना पकडण्यासाठी शोध मोहीम सुरू आहे. पुढील तपास खेड पोलीस करीत आहेत.
