नागपूर-सावनेर: २४ तासात तीन अपघात, दोन मृत्यू – महामार्गावर मृत्यूचे सत्र कायम

नागपूर-सावनेर: – सावनेर पोलिस ठाण्याच्या हद्दीत गेल्या २४ तासात वेगवेगळ्या तीन अपघातांच्या घटना घडल्या असून त्यात दोघांचा मृत्यू झाला आहे, तर दोघे गंभीर जखमी झाले आहेत. या अपघातांमुळे परिसरात भीतीचे वातावरण पसरले आहे.

पहिली घटना सावनेर-नागपूर रोडवरील मानेगाव शिवारात शुक्रवारी घडली. नागपूरवरून भरधाव येणाऱ्या एमएच ४९ बी आर ८७२९ क्रमांकाच्या कारने दुचाकीला जोरदार धडक दिली. या अपघातात दुचाकीस्वार मन्साराम कुंभरे (वय ५०, रा. मानेगाव) गंभीर जखमी झाले. त्यांना तात्काळ नागपूर येथील मेडिकल शासकीय रुग्णालयात दाखल करण्यात आले, मात्र उपचारादरम्यान त्यांचा मृत्यू झाला.

दुसरी घटना सावनेर-कळमेश्वर मार्गावर बोरगाव शिवारात घडली. रस्त्याच्या कडेला असलेल्या लोखंडी खांबाला अॅक्टिवा वाहनाची धडक बसली. या अपघातात अॅक्टिवा चालवणाऱ्या व्यक्तीचा जागीच मृत्यू झाला. या घटनेने स्थानिक नागरिकांमध्ये हळहळ व्यक्त केली जात आहे.

Advertisement by Unique Computers

👇👇Click the Image below👇👇