प्रभाग क्र. १९ ‘क’ मध्ये विकासाच्या जोरावर काँग्रेस उमेदवाराची आघाडी; मतदारांकडून आशीर्वादाचा वर्षाव
Times of Maharashtra Desk : निवडणुकीचे रणशिंग फुंकले गेले असून कोंढवा-कौसरबाग परिसरात राजकीय वातावरण चांगलेच तापले आहे. मात्र, या रणधुमाळीत प्रभाग क्रमांक १९ ‘क’ मध्ये काँग्रेसचे अधिकृत उमेदवार काशिफ सय्यद यांच्या नावाची एकच चर्चा होताना दिसत आहे. केवळ आश्वासने नव्हे, तर केलेल्या कामाच्या जोरावर काशिफ सय्यद यांनी मतदारांच्या मनात अढळ स्थान निर्माण केल्याचे चित्र त्यांच्या प्रचारफेरीत स्पष्ट होत आहे.
विकासाच्या मुद्द्यावर भर, कामाचे होतेय कौतुक काशिफ सय्यद यांचा प्रचार सध्या प्रचंड जोरात सुरू असून , त्यांना नागरिकांकडून मिळणारा प्रतिसाद थक्क करणारा आहे. प्रभागातील रस्ते, पाणी, आणि स्वच्छता यांसारख्या मूलभूत प्रश्नांवर त्यांनी केलेले काम आणि भविष्यातील व्हिजन मतदारांना भावले आहे. प्रचार रॅली दरम्यान नागरिक स्वतःहून पुढे येत त्यांच्या कामाचे कौतुक करत आहेत. “काशिफ भाईंनी कधीही कामात कुचराई केली नाही, हाकेला धावून जाणारा माणूस,” अशा भावना स्थानिक नागरिक व्यक्त करत आहेत.
तरुणाईचा जोश आणि ज्येष्ठांचे आशीर्वाद काशिफ सय्यद यांच्या पदयात्रांमध्ये तरुणांचा उत्साह वाखाणण्याजोगा आहे. ‘काशिफ भाई आगे बढो’च्या घोषणांत परिसर दुमदुमून जात आहे. विशेष म्हणजे, केवळ तरुणच नव्हे तर घरातील ज्येष्ठ नागरिक, माता-भगिनी त्यांना ओवाळून आशीर्वाद देत आहेत. हे चित्र केवळ राजकीय प्रचाराचे नसून, एका कुटुंबातील सदस्यावर दाखवलेल्या प्रेमाचे प्रतीक बनले आहे.
उत्स्फूर्त सहभाग आणि आपुलकीचा संवाद साधारणतः प्रचारात गर्दी जमवावी लागते, पण काशिफ सय्यद यांच्या बाबतीत नागरिक स्वतःहून उत्स्फूर्तपणे सहभागी होत आहेत. घरोघरी जाऊन प्रचार करताना मतदारांशी त्यांचा होणारा संवाद अत्यंत जिव्हाळ्याचा आणि आपुलकीचा आहे. लोकांच्या समस्या ऐकून घेणे आणि त्या सोडवण्याची तत्परता यामुळे त्यांची उमेदवारी अधिक भक्कम झाली आहे.
नागरिकांची प्रतिक्रिया: “आमच्या प्रभागाचा कायापालट करण्यासाठी आम्हाला अभ्यासू आणि कामसू नेतृत्वाची गरज आहे. काशिफ सय्यद यांनी आतापर्यंतची कामे चोख बजावली आहेत, त्यामुळे आमचा पूर्ण पाठिंबा त्यांच्या पाठीशी आहे.” – स्थानिक रहिवासी, कौसरबाग
विजयाचा विश्वास नागरिकांचे मिळणारे प्रेम, कार्यकर्त्यांची अभेद्य फळी आणि कामाचा भक्कम पुरावा या त्रिसूत्रीवर काशिफ सय्यद मैदान गाजवत आहेत. विरोधकांचे आव्हान परतावून लावत, जनसामान्यांच्या साथीने प्रभाग १९ ‘क’ मध्ये विजयाचा गुलाल उधळण्यासाठी ते सज्ज झाले आहेत, असेच सध्याचे चित्र आहे.
