(तालुका प्रतिनिधी जाबिर खान): दि. 26 मे 2026 रोजी सिरोंचा पोलीस स्टेशन येथे SDPO संदेश नाईक आणि M.K. नांदे यांच्या उपस्थितीत ईद-उल-अजहा (बकरी ईद) निमित्त महत्त्वपूर्ण बैठक पार पडली. या बैठकीत MIDC ट्रस्ट कमिटीचे सदर फाजील पाशा, सचिव अॅड. फिरोज खान, TV9 चे वरिष्ठ पत्रकार MD. इरफान, तसेच अय्यूब खान, दस्तगीर खान, रफीक कुरेशी, नजीम शेख, आशिक हुसेन, वरिष्ठ पत्रकार जाकिर अली आणि टाइम्स ऑफ महाराष्ट्रचे प्रतिनिधी जाबिर खान उपस्थित होते.
बैठकीदरम्यान ईदच्या पार्श्वभूमीवर विविध विषयांवर सविस्तर चर्चा करण्यात आली. नमाजाच्या वेळा, लाऊडस्पीकर वापर, ईदगाह परिसरातील सुरक्षा व्यवस्था तसेच कायदा व सुव्यवस्था अबाधित ठेवण्यासाठी आवश्यक उपाययोजनांबाबत मार्गदर्शन करण्यात आले.
यावेळी SDPO संदेश नाईक यांनी तालुक्यातील वाहतूक नियंत्रण, ओव्हरस्पीड वाहनांवर कारवाई, ड्रंक अँड ड्राइव्ह मोहिमा तसेच शेजारील राज्यांतून होणाऱ्या गोतस्करीवर नियंत्रण मिळविण्यात पोलिसांना यश आल्याचे सांगितले. समाजामध्ये जनजागृती निर्माण करण्यासाठी पोलीस प्रशासन विविध उपक्रम राबवत असून त्यामध्ये नागरिक व पत्रकारांचे सहकार्य महत्त्वाचे असल्याचे त्यांनी नमूद केले.
सिरोंचा तालुक्यात माझ्या कार्यकाळात कोणतीही मोठी जातीय किंवा सामाजिक तणावाची घटना घडलेली नाही. पुढेही सर्वांनी एकोप्याने व शांततेत सण साजरे करावेत, असे आवाहन संदेश नाईक यांनी यावेळी केले.
बैठकीमुळे समाजात एकता, शांतता आणि परस्पर सहकार्याचा संदेश देण्यात आला.
