दौंड( प्रतिनिधी-मयुर साळवे, संघराज गायकवाड) दि. ३० जुलै : दौंड तालुक्यातील मौजे गिरीम येथील वायरलेस फाटा, दौंड–पाटस रोडलगत असलेल्या ‘समाधान लॉज’ येथे दौंड पोलिसांनी मध्यरात्री छापा टाकून अनैतिक व्यवसाय सुरू असल्याच्या संशयावरून एका व्यक्तीविरुद्ध गुन्हा दाखल केला आहे.
याप्रकरणी पोलीस हवालदार निखिल बाळासाहेब जाधव (दौंड पोलीस स्टेशन, पुणे ग्रामीण) यांनी फिर्याद दिली असून रितेश कुमार रमतारी पासवान (वय २६) याच्याविरुद्ध गुन्हा रजिस्टर क्रमांक ५३३/२०२६ दाखल करण्यात आला आहे.
पोलिसांनी दिलेल्या माहितीनुसार, ३० जुलै २०२६ रोजी पहाटे १२.४५ वाजण्याच्या सुमारास मौजे गिरीम गावच्या हद्दीतील समाधान लॉज येथे कारवाई करण्यात आली. त्यावेळी आरोपी हा सहा महिलांच्या माध्यमातून स्वतःच्या आर्थिक फायद्यासाठी वैश्याव्यवसाय चालवत असल्याचे फिर्यादीत नमूद करण्यात आले आहे.
या प्रकरणी आरोपीविरुद्ध स्त्रिया व मुली अनैतिक व्यापार प्रतिबंध अधिनियम, १९५६ मधील कलम ३, ४ व ५ अन्वये गुन्हा दाखल करण्यात आला असून पुढील तपास पोलीस उपनिरीक्षक (PSI) बिद्री हे करीत आहेत.
