शिरपूर प्रतिनिधी : शिरपूर विधान परिषद मतदार संघाचे आमदार मा. अमरीश भाई पटेल व शिरपूर नगरपालिकेचे माजी नगराध्यक्ष व विद्यमान उपनगराध्यक्ष मा. भूपेश भाई पटेल यांच्या संकल्पनेतून शिरपूर तालुक्यातील सहा आदर्श गावांची निवड करण्यात आली आहे. त्यात प्रामुख्याने जातोडा, बभळाज, अजनाड, निमझरी, अंतुर्ली, बुडकी या गावांच्या समावेश आहे.
या विशेष मोहीम अंतर्गत महाराष्ट्र राज्याचे माजी सचिव जयंत भाटिया यांनी जातोडा गावात भेट देऊन गावाचे आरोग्यविषयक व सर्वसामान्य प्रश्न समजून घेऊन त्यावर काय उपाययोजना करता येईल याविषयी सर्व शासकीय कर्मचारी व ग्रामपंचायत सरपंच व सदस्य यांच्याशी समन्वयाने सभा घेऊन गावासाठी काय उपाययोजना करता येईल यावर सखोल मार्गदर्शन केले.
आरोग्यवर्धिनी उपकेंद्र जातोडा व ग्रामपंचायत जातोडा यांच्या पाहणीनंतर श्री जयंत भाटिया यांनी समाधान व्यक्त केले. यावेळेस शिरपूर पंचायत समिती माजी उपसभापती जगतसिंग राजपूत, माजी सरपंच सौ. रत्नाबाई रावसाहेब धनगर, बोरगांव मा सरपंच योगेंद्रसिंग सिसोदिया, तालुका आरोग्य अधिकारी डॉ. अशोक तारडे, डॉ. राष्ट्रपाल अहिरे, समुदाय आरोग्य अधिकारी डॉ. विनोद पाटील डॉ. हरीश पाटील ग्रामसेवक श्री पी बी सोनवणे, आमदार कार्यालयाचे प्रतिनिधी गजेंद्र राजपूत, आरोग्य सेविका श्रीमती सारिका पाटील आरोग्य सेवक श्री स्वप्निल गवळी अशा गट प्रवर्तक श्रीमती मनीषा पाटील, आशा श्रीमती सपना शिरसाठ, श्रीमती उषा आखाडे, अंगणवाडी कार्यकर्ते व गावातील सर्व प्रतिष्ठित नागरिक व आरोग्य कर्मचारी शासकीय कर्मचारी उपस्थित होते.
