पोलीस भरतीत धावण्याच्या चाचणीत तरुणाचा मृत्यू.

देऊळगाव राजा (प्रतिनिधी बबनराव नागरे): पोलीस भरतीच्या मैदानी चाचणी दरम्यान धावत असताना तरुणाचा मृत्यू झाल्याची हृदय द्रावक घटना पुण्यातील शिवाजीनगर येथील पोलीस मुख्यालयाच्या मैदानावर घडली.
चिंचोली गुरुकुल येथील पुरुषोत्तम भिमराव गुरुकुल हा 23 वर्षाचा तरुण पोलीस होण्याचे स्वप्न उराशी बाळगून भरती प्रक्रियेत सहभागी झाला होता मात्र धावण्याच्या चाचणीतच त्याचा दुर्दैवी मृत्यू झाला. या घटनेमुळे परिसरात शोककळा पसरली आहे.
शनिवार दिनांक २८ मार्चला सकाळी १६०० मीटर धावण्याची चाचणी सुरू असताना पुरुषोत्तम ने दोन फेऱ्या पूर्ण केल्या परंतु तिसऱ्या फेरी दरम्यान अचानक त्याला झटका आला आणि तो मैदानावर कोसळला. उपस्थित उमेदवार व अधिकाऱ्यांनी तात्काळ मदत कार्य सुरू केले मैदानावर तैनात वैद्यकीय पथकाने प्राथमिक उपचार करून त्याला ससून रुग्णालयात हलविले मात्र उपचारापूर्वीच डॉक्टरांनी त्याला मृत घोषित केले .
पुरुषोत्तम हा खूप मेहनती व शांत स्वभावाचा तरुण होता वडिलांना तीन वर्षांपूर्वी अर्धांगवायचा झटका आल्याने कुटुंबाची जबाबदारी त्याच्यावरच होती.