पुणे जिल्ह्यात आढळले कोरानाच्या नवीन व्हेरीअंटचे 3 रुग्ण ; राज्यात भीतीचे वातावरण…
देशात जेएन.1 या उपप्रकाराचा पहिला रुग्ण केरळमध्ये सापडला होता. त्यानंतर या उपप्रकाराचे गोव्यात काही रुग्ण आणि महाराष्ट्रात सिंधुदुर्ग जिल्ह्यात एक रुग्ण आढळला आहे. सिंधुदुर्गमधील रुग्ण हा 41 वर्षांचा पुरूष होता. आता जेएन.1 चे आणखी 9 रुग्ण सापडले आहेत. सर्वाधिक 5 रुग्ण ठाणे महापालिका हद्दीत आढळले आहेत.
या रुग्णांमध्ये 8 पुरूष आणि एका महिलेचा समावेश आहे. त्यात 9 वर्षांचा एक मुलगा, 21 वर्षांची महिला, 28 वर्षांचा पुरूष आणि इतर रुग्ण 40 वर्षांवरील आहेत. केवळ पुण्यात आढळेल्या एका रुग्णाने परदेशवारी केली असून, तो अमेरिकेहून परतल्याचे समोर आले आहे.32.2






















