जळगाव (प्रतिनिधी विनोद पवार) : बेटावद बु. जिल्हा परिषद प्राथमिक शाळा बेटावद बु. येथे दिनांक २५ मार्च २०२६ रोजी शैक्षणिक व सामाजिक क्षेत्रात उल्लेखनीय कार्य करणाऱ्या पुरोगामी पत्रकार संघाच्या पदाधिकाऱ्यांचा सत्कार व ऋणनिर्देश कार्यक्रम उत्साहात पार पडला.
या कार्यक्रमात पुरोगामी पत्रकार संघाचे राष्ट्रीय महासचिव विनोद सुधाकर पवार यांना सेवाग्राम आश्रम, वर्धा यांच्या वतीने प्रदान करण्यात आलेल्या ‘अहिंसा सन्मान पुरस्कार २०२६’ बद्दल विशेष सत्कार करण्यात आला. तसेच संघाचे सल्लागार सुभाष यादव बिंदवाल यांचाही शाळेबद्दल असलेली आपुलकी, विद्यार्थ्यांप्रती असलेली माया आणि गोरगरिब विद्यार्थ्यांना समाजात व प्रशासकीय क्षेत्रात उच्च स्थान मिळावे यासाठी केलेल्या कार्याबद्दल गौरव करण्यात आला.
यावेळी सुभाष बिंदवाल यांनी विद्यार्थ्यांना मार्गदर्शन करताना जीवनातील शिस्त, चांगले संस्कार आणि सुजाण नागरिक होण्यासाठी आवश्यक वर्तन याबाबत सखोल मार्गदर्शन केले. कार्यक्रमादरम्यान पत्रकार बंधूंनी शाळेला छत्रपती शिवाजी महाराजांची फ्रेम भेट म्हणून प्रदान केली.
या कार्यक्रमाला शाळा व्यवस्थापन समितीचे अध्यक्ष अमोलभाऊ ढगे, मुख्याध्यापक अनिल पवार, केंद्रप्रमुख नवल राजपूत, उपशिक्षक शालिक घुले, दिलीप गरुड, गजानन तेली तसेच उपशिक्षिका वैशाली ठोके व हर्षा सूर्यवंशी उपस्थित होते.
कार्यक्रमाचे सूत्रसंचालन नवल राजपूत यांनी केले, तर शालिक घुले यांनी आभार प्रदर्शन केले.
