रुपेश देशमुख (ब्रह्मपुरी प्रतिनिधीब्रह्मपुरी) : नागपूर – ३५३.डी नॅशनल हायवे ब्रह्मपुरी- नागभीड महामार्गावर माहेर फाट्या जवळील परिसरात घडली असून आज दुपारी घडली. सुदैवाने, एसटी चालकाच्या प्रसंगावधनामुळे मोठी जीवितहानी टळली असली, तरी या घटनेने रस्त्याच्या कामातील निष्काळजीपणा पुन्हा एकदा चव्हाट्यावर आला आहे.
घटनेचा थरार:
मिळालेल्या माहितीनुसार, एसटी बस एम एच १४ एम, एच,२३५३, गडचिरोली- ब्रह्मपुरी- नागपूर जात होती. बसमध्ये जवळपास ४०ते४५ प्रवासी होते. माहेर फाट्याजवळ अचानक एक दुचाकीस्वार मागच्या बाजूने वेगाने बससमोर आला. त्याला वाचवण्यासाठी बस चालकाने तातडीने ब्रेक लावत गाडी डाव्या बाजूला वळवली. मात्र, तिथे रस्त्याचे काम सुरू असल्याने रस्ता अरुंद होता आणि बाजूला खोल खड्डा चर खणलेला होता. त्यामुळे बसचे नियंत्रण सुटले आणि ती थेट कच्च्या रस्त्याखाली उतरली.
रस्तेकाम ठरतेय ‘मृत्यूचा सापळा’
३५३, डी , नॅशनल हायवे मार्गावर सध्या के,सी,सी कंपनीचे फुलाचे काम चालू आहे
रस्ता अरुंद झाला असून, वाहतुकीसाठी जागा कमी उरली आहे. रस्त्यावरील या अरुंद जागेमुळे वाहनांना वळण घेताना किंवा समोरील वाहन वाचवताना अडचण येत आहे.
या ठिकाणी कोणत्याही प्रकारचे
दिशादर्शक फलक लावलेले नाहीत.
रात्रीच्या वेळी चमकणारे रेडियम नाहीत. रस्त्याच्या कडेला सुरक्षा बॅरिकेड्स लावलेले नाहीत.
खणलेल्या चरींवर कोणतीही सुरक्षा उपाययोजना नाही.
या सर्व कारणांमुळे रस्ता अत्यंत अरुंद झाला असून, समोरून येणारे वाहन वाचवताना चालकांना कसरत करावी लागत आहे. आजच्या घटनेत एसटी बस पलटी होता होता थोडक्यात बचावणी नाही तर मोठी दुर्घटना घडली असती, असे प्रवाशांनी प्रत्यक्षदर्शींनी सांगितले.
प्रवाशांचा संताप आणि प्रशासनाकडे मागणी:
“आम्ही थोडक्यात वाचलो, पण या रस्त्यावर रोज असे छोटे-मोठे अपघात होत आहेत. रस्ते काम करणारी कंपनी लोकांच्या जीवाशी खेळत आहे,” अशा शब्दांत बसमधील प्रवाशांनी आपला संताप व्यक्त केला. स्थानिक नागरिकांनीही संबंधित ठेकेदार कंपनीवर कारवाई करण्याची आणि रस्त्याचे काम सुरक्षितपणे पूर्ण करण्याची मागणी केली आहे.
