नवनिर्वाचित आमदार नंदकिशोर (भाऊ) महाजन यांचे शिरसाळे मारोती येथे दर्शन; भाविकांकडून जंगी सत्कार

जळगाव (प्रतिनिधी विनोद पवार): महाराष्ट्र विधानपरिषदेचे नवनिर्वाचित आमदार आदरणीय श्री. नंदकिशोर (भाऊ) महाजन यांनी सोमवार, दि. २२ जून २०२६ रोजी शिरसाळे येथील प्रसिद्ध मारोती मंदिरास भेट देऊन श्री हनुमंताचे दर्शन घेतले. आमदार म्हणून निवड झाल्यानंतर त्यांनी या पवित्र स्थळी उपस्थित राहून देवदर्शन केले.
याप्रसंगी मंदिरात भव्य महाआरतीचे आयोजन करण्यात आले होते. दर्शन व महाआरतीनंतर संस्थानच्या वतीने आमदार नंदकिशोर (भाऊ) महाजन यांचा शाल, श्रीफळ, पुष्पगुच्छ देऊन सन्मानपूर्वक सत्कार करण्यात आला.
या कार्यक्रमास परिसरातील राजकीय, सामाजिक व धार्मिक क्षेत्रातील पदाधिकारी, कार्यकर्ते, भाविक भक्त तसेच ग्रामस्थ मोठ्या संख्येने उपस्थित होते. उपस्थितांनी आमदार महाजन यांचे अभिनंदन करून त्यांच्या पुढील राजकीय व सामाजिक वाटचालीसाठी शुभेच्छा दिल्या.
कार्यक्रमात उपस्थित मान्यवरांनी आमदार महाजन यांच्या निवडीमुळे परिसराच्या विकासाला अधिक गती मिळेल, असा विश्वास व्यक्त केला. संपूर्ण कार्यक्रम भक्तिमय वातावरणात आणि उत्साहपूर्ण वातावरणात संपन्न झाला.