दौंड (प्रतिनिधी-संघराज गायकवाड)
दौंड शहरातील प्रभाग क्रमांक ६ अंतर्गत लोकशाहीर अण्णाभाऊ साठे समाजमंदिर चावडी, साठेनगर येथे आयोजित करण्यात आलेल्या SIR मॅपिंग अभियानाला तब्बल ७०० नागरिकांनी उत्स्फूर्त प्रतिसाद देत सहभाग नोंदविला.
या अभियानास नगराध्यक्ष कु. दुर्गादेवी इंद्रजीत जगदाळे, मुख्याधिकारी अवधूत तावडे, गटनेते जीवराज बापू पवार, साधनाताई सोनाने, विशाल ओहोळ, माजी नगरसेवक उत्तमराव सोनवणे तसेच साठेनगर परिसरातील विनायक मोरे, संजय मोरे, उपेश तुपसौदर्य, सुरेश तुपसौदर्य, सोमनाथ आगलावे, अनिल कांबळे, नितीन तुपसौदर्य, धीरज दिवटे, अमित मोरे, साहिल खंडाळे, संदीप इमानदार आदी मान्यवरांनी उपस्थित राहून मॅपिंग प्रक्रियेचा आढावा घेतला. त्यांनी नागरिकांशी संवाद साधत मतदार नोंदी अचूक ठेवण्याचे महत्त्वही स्पष्ट केले.
यावेळी BLO अधिकारी व कर्मचाऱ्यांनी नागरिकांना आवश्यक मार्गदर्शन करून फॉर्म भरण्याची प्रक्रिया सुलभ केली. प्रभाग क्रमांक ६ मधील युवक, पदाधिकारी व कार्यकर्त्यांनी प्रभावी नियोजन करून मोठ्या प्रमाणात नागरिकांचा सहभाग सुनिश्चित केला, त्यामुळे अभियान यशस्वीरीत्या पार पडले.
प्रत्येक पात्र मतदाराची अचूक नोंद ही लोकशाही बळकट करण्यासाठी अत्यंत महत्त्वाची असल्याचे सांगत, भविष्यातही नागरिकांनी अशा उपक्रमांना सक्रिय सहकार्य करावे, असे आवाहन नगरसेविका सौ. स्वाती निलेश सावंत यांनी केले. तसेच अभियानाला उत्स्फूर्त प्रतिसाद दिल्याबद्दल त्यांनी सर्व नागरिकांचे मनःपूर्वक आभार मानले.
