शिरपूर-धुळे (प्रतिनिधी तुषार शेटे) : महाराष्ट्र राज्याचे मुख्यमंत्री मा. श्री. देवेंद्र फडणवीस यांच्या २५ एप्रिल रोजी नियोजित शिरपूर दौऱ्याच्या पार्श्वभूमीवर विविध विकासकामांच्या उद्घाटनासाठी नियोजन बैठक राजगोपाल भंडारी सभागृहात उत्साहात पार पडली. या बैठकीत दौऱ्याचे नियोजन, सुरक्षेची व्यवस्था तसेच विकासकामांच्या उद्घाटनाची रूपरेषा यावर सविस्तर चर्चा करण्यात आली.
या प्रसंगी शिक्षण मंत्री तथा आमदार अमरीशभाई पटेल आणि आमदार काशीराम पावरा यांनी उपस्थितांना मार्गदर्शन करत सर्व यंत्रणांनी समन्वय साधून दौरा यशस्वी करण्याचे आवाहन केले. त्यांनी विकासकामांच्या अंमलबजावणीसाठी गती देण्याचेही निर्देश दिले.
बैठकीला भाजपा जिल्हाध्यक्ष बबनराव चौधरी, जिल्हा परिषद माजी अध्यक्ष तुषार रंधे, माजी नगराध्यक्ष तथा नगरसेवक भूपेशभाई पटेल, नगराध्यक्ष चिंतनभाई पटेल, उपनगराध्यक्षा संगीताताई देवरे, जिल्हा परिषद माजी उपाध्यक्ष देवेंद्र पाटील, कृषी उत्पन्न बाजार समितीचे सभापती के. डी. पाटील, शिसाका चेअरमन माधवराव पाटील यांच्यासह विविध पदाधिकारी उपस्थित होते.
तसेच नगरसेवक, जिल्हा परिषद सदस्य, पंचायत समिती सदस्य, सरपंच आणि कार्यकर्ते मोठ्या संख्येने सहभागी झाले होते. आगामी दौरा यशस्वी करण्यासाठी सर्वांनी एकत्रितपणे काम करण्याचा निर्धार यावेळी व्यक्त करण्यात आला.
