Times Of Maharashtra Desk Pune : माण तालुक्यातील पत्रकारिता क्षेत्रात उल्लेखनीय कार्य करणारे टाइम्स ऑफ महाराष्ट्र न्यूजचे प्रतिनिधी महेश कांबळे यांना स्मित प्रोअॅक्टिव्ह अॅकॅडमीच्या वतीने ‘आदर्श पत्रकार पुरस्कार’ देऊन गौरविण्यात आले. त्यांच्या दीर्घकालीन आणि समाजाभिमुख पत्रकारितेची दखल घेत हा सन्मान प्रदान करण्यात आला.
गेल्या २५ वर्षांपासून पत्रकारिता क्षेत्रात सातत्याने कार्यरत असलेल्या महेश कांबळे यांनी सर्वसामान्यांच्या प्रश्नांना वाचा फोडण्याचे काम प्रभावीपणे केले आहे. विशेषतः माण तालुक्यातील दुष्काळाची भीषणता विविध माध्यमांद्वारे ठळकपणे मांडत त्यांनी प्रशासन आणि समाजाचे लक्ष वेधले आहे.
या सन्मान सोहळ्यास माण पंचायत समितीचे सभापती विक्रम शिंगाडे, म्हसवडच्या नगराध्यक्षा पूजा विरकर, अॅकॅडमीचे संस्थापक अध्यक्ष शरद जाधव, संचालिका अनिता जाधव तसेच बालाजी जाधव यांची प्रमुख उपस्थिती होती. उपस्थित मान्यवरांनी कांबळे यांच्या कार्याचे कौतुक करत त्यांना पुढील वाटचालीसाठी शुभेच्छा दिल्या.
टाइम्स ऑफ महाराष्ट्र न्यूजच्या माध्यमातून महेश कांबळे समाजातील दुर्लक्षित घटकांपर्यंत पोहोचून त्यांच्या समस्या आणि व्यथा समाजासमोर मांडत आहेत. त्यांच्या निष्ठावान आणि प्रामाणिक पत्रकारितेची दखल घेत स्मित प्रोअॅक्टिव्ह अॅकॅडमीने त्यांना या पुरस्काराने सन्मानित केले आहे.
