जळगाव, दि. ३ जून (प्रतिनिधी) – टाईम्स ऑफ महाराष्ट्र न्यूजचे जळगाव जिल्हा प्रतिनिधी, सामाजिक कार्यकर्ते, पत्रकार तथा समाजसेवक विनोद सुधाकर पवार यांच्या वाढदिवसानिमित्त उद्या, दि. ४ जून रोजी जळगाव जिल्ह्यात विविध सामाजिक, शैक्षणिक व जनहिताचे कार्यक्रम आयोजित करण्यात आले आहेत.
पुरोगामी पत्रकार संघ, कर्तव्य दक्ष पोलीस मित्र फाउंडेशन, राष्ट्रीय हिंदू संघटना तसेच शहर व जिल्ह्यातील विविध सामाजिक व स्वयंसेवी संस्थांच्या संयुक्त विद्यमाने या उपक्रमांचे आयोजन करण्यात आले आहे. वाढदिवसानिमित्त वृक्षारोपण, सत्कार समारंभ, सामाजिक जनजागृती मोहीम, गरजू नागरिकांना मदत, तसेच समाजोपयोगी विविध कार्यक्रम राबविण्यात येणार आहेत.
पर्यावरण संवर्धनाचा संदेश देण्यासाठी जिल्ह्यात विविध ठिकाणी मोठ्या प्रमाणावर वृक्षारोपण करण्यात येणार असून समाजातील विविध घटकांचा या उपक्रमांमध्ये सक्रिय सहभाग राहणार आहे. पत्रकारिता, सामाजिक कार्य आणि जनसामान्यांच्या प्रश्नांसाठी सातत्याने कार्यरत असलेल्या विनोद पवार यांच्या कार्याचा गौरव करण्यासाठी विविध संघटनांच्या पदाधिकाऱ्यांनी पुढाकार घेतला आहे.
या निमित्ताने आयोजित कार्यक्रमांद्वारे सामाजिक बांधिलकी, पर्यावरण संवर्धन आणि समाजसेवेचा संदेश जनतेपर्यंत पोहोचविण्याचा प्रयत्न करण्यात येणार असल्याचे आयोजकांनी सांगितले. जिल्ह्यातील अनेक मान्यवर, पत्रकार, सामाजिक कार्यकर्ते, विविध संस्थांचे पदाधिकारी आणि नागरिक या कार्यक्रमांना उपस्थित राहून विनोद पवार यांना शुभेच्छा देणार आहेत.
