Times of Maharashtra Desk Pune Political Update: कालच निवडणूक आयोगाने निवडणुकीच्या तारखा जाहीर केल्या आहेत.आचार संहिता देखील लागू करण्यात आली असून सर्व पक्षात निवडणुकीनची जय्यत तयारी सुरू असतानाच शरद पवार गटाचे खासदार अमोल कोल्हे यांना चांगलाच मोठा धक्का बसला आहे. खेड तालुक्यातील माजी जिल्हा परिषद सदस्य आणि स्थानिक पातळीवर नेहमी चर्चेत असणारे शरद पवार गटाचे नेते अतुल देशमुख यांनी शिंदे शिवसेना गटात प्रवेश केला आहे. निवडणूक तोंडावर असतानाच अतुल देशमुख यांनी राष्ट्रवादीची साथ सोडल्याने शरद पवार गटाला मोठा धक्का बसला आहे.
उत्तर पुण्याची राजकीय समीकरणे बदलणार का?
देशमुख कुटुंबाची खेड तालुक्यातील राजकारणात चांगलीच पकड आहे.अतुल देशमुख हे तालुक्यातील महत्वाचा राजकीय चेहरा आहेत . त्यांनी खेड तालुक्यात अनेक विकास कामे केली असून त्यांचा या भागात चांगला सामाजिक संपर्क आहे. गेल्याच वर्षी त्यांनी राष्ट्रवादी शरद पवार गटात प्रवेश केला होता. पण काही महिन्यांपासून पक्षांतर्गत मतभेद आणि स्थानिक नेतृत्वासोबत वाढत्या नाराजीमुळे त्यांनी शरद पवार गटाची साथ सोडण्याचा निर्णय घेतला आहे. त्यांच्या सोबत चाकण, राजगुरुनगर, आळंदी परिसरातील नगरसेवक, पंचायत समिती सदस्य आणि असंख्य कार्यकर्तेही शिंदे गटात सामील होणार असल्याची माहिती आहे.त्यामुळे पुण्याच्या उत्तर भागाची राजकीय समीकरणे बदलणार का असा सवाल उपस्थित झाला आहे.
कधी व कुठे होणार पक्षप्रवेश.
अतुल देशमुख यांच्या पक्ष प्रवेशासाठी एका भव्य कार्यक्रमाचे आयोजन करण्यात आले आहे. हा सोहळा गुरवारी 6 नोव्हेंबरला चाकण येथील भागश्रि कार्यालयात आयोजित करण्यात आला असून उपमुख्यमंत्री एकनाथ शिंदे, शिवसेनेचे आमदार, तसेच जिल्ह्यातील वरिष्ठ पदाधिकारी उपस्थित राहणार आहेत. या कार्यक्रमात आगामी स्थानिक स्वराज्य निवडणुकांसाठी खेड तालुक्यातील रणनीती आणि इच्छुक उमेदवारांची प्राथमिक यादी जाहीर होण्याची शक्यता आहे.देशमुखांच्या या निर्णयामुळे पुण्यातील उत्तर भगत शिंदे गट अधिक मजबूत बनणार असून याचा फटका शरद पवार गटाला बसण्याची चर्चा आहे.
