शिरपूर (प्रतिनिधी तुषार शेटे) कोडीद, दि. 19 जून 2026: आरोग्यवर्धिनी उपकेंद्र कोडीद अंतर्गत जिल्हा परिषद केंद्र शाळा कोडीद व जिल्हा परिषद शाळा चाकडू व अंगणवाडी आपसिंगपाडा येथे आज जागतिक सिकलसेल ॲनिमिया नियंत्रण दिवस साजरा करण्यात आला व सिकल सेल तपासणी शिबिर घेण्यात आला
2026 ची जागतिक थीम ‘Closing the Survival Gap: Equity in Sickle Cell Disease’ या अनुषंगाने दोन्ही ग्रामपंचायत आलेल्या कोडीद व चाकडु गावात जिल्हा परिषद शालेय विद्यार्थी यांच्या माध्यमातून भव्य जनजागृती रॅली काढण्यात आली. “लग्नापूर्वी कुंडलीऐवजी सिकलसेल कार्ड जुळवा” यांच्यासह अशा अनेक घोषणा देत विद्यार्थ्यांनी व आरोग्य विभागाने जनजागृती केली.
त्यानंतर तिन्ही ठिकाणी ठिकाणी 0 ते 40 वयोगटासाठी मोफत सिकलसेल तपासणी शिबिर घेण्यात आले. यावेळी समुदाय आरोग्य अधिकारी डॉ.हिरा पावरा यांनी विद्यार्थी व ग्रामस्थांना सिकलसेल आजाराची कारणे, लक्षणे व प्रतिबंध याबाबत सखोल मार्गदर्शन केले.
या कार्यक्रमास माजी जिल्हा परिषद सदस्य व सरपंच प्रकाशदादा पावरा, पोलिस पाटील भरत पावरा, नटराज पावरा शाळेचे मुख्याध्यापक शिक्षक वृंद, आरोग्य सेविका प्रमिला गिरासे, आरोग्य सेवक सागर पावरा, गटप्रवर्तक ज्योती पावरा, सर्व आशा सेविका व कर्मचारी मोठ्या संख्येने उपस्थित होते. डॉ. हिरा पावरा यांनी सर्वांचे आभार मानले.
– आरोग्यवर्धिनी उपकेंद्र, कोडीद.!
