Times of Maharashtra Desk, Pune: किल्ले शिवनेरीच्या पावनभूमीत जुन्नर तालुक्यात आगामी जिल्हा परिषद व पंचायत समिती निवडणुकीचे बिगुल वाजले आहे. राज्याचे उपमुख्यमंत्री आणि शिवसेनेचे मुख्य नेते एकनाथ शिंदे यांच्या प्रमुख उपस्थितीत ओतूर येथे विजय संकल्प सभेचे आयोजन करण्यात आले आहे. ही सभा गुरुवार, दि. ५ फेब्रुवारी २०२६ रोजी सकाळी ११:०० वाजता होणार असून, या सभेच्या माध्यमातून मुख्यमंत्री शिवसैनिकांना विजयाचा महामंत्र देणार आहेत.
ओतूर येथील बस स्टँडच्या बाजूला, माउली कॉम्प्लेक्स समोरील मोकळ्या जागेत ही सभा पार पडणार आहे. जुन्नर तालुक्यातील जिल्हा परिषद आणि पंचायत समितीच्या गणांमध्ये शिवसेनेचे वर्चस्व निर्माण करण्यासाठी या सभेचे आयोजन करण्यात आले आहे. या ऐतिहासिक भूमीत उपमुख्यमंत्र्यांच्या उपस्थितीत होणाऱ्या या सभेमुळे कार्यकर्त्यांमध्ये मोठा उत्साह संचारला असून, संपूर्ण तालुक्याचे लक्ष या राजकीय घडामोडीकडे लागले आहे.
या निवडणुकीसाठी शिवसेनेने आपले अधिकृत उमेदवार जाहीर केले असून, त्यांच्या प्रचाराचा शुभारंभ या सभेने होणार आहे. यामध्ये ओतूर-धालेवाडी जिल्हा परिषद गटाच्या शिवसेना एकनाथ शिंदे गटाच्या अधिकृत उमेदवार अक्षदा प्रसाद मांडे- पानसरे यांचा समावेश आहे. अक्षदा या ओतूर- ओझर पंचक्रोशीमध्ये विविध सामाजिक कामांच्या माध्यमातून सक्रिय असतात. त्या सध्या ओझर गामपंचायतीच्या विद्यमान सदस्य देखील आहेत.
आता, ओतूर-धालेवाडी जिल्हा परिषद गटातील मतदार अक्षदा मांडे- पानसरेंना मतदानरूपी आशीर्वाद देणार का? हे पाहणे महत्वपूर्ण ठरणार आहे.
