नाशिक (योगेश कर्डीले नाशिक उत्तम जाधव निफाड): कायदा व सुव्यवस्था अबाधित राखण्यासाठी नाशिक शहर पोलीस आयुक्तालयाने महत्त्वाचा निर्णय घेतला आहे. पोलीस आयुक्त संदीप कर्णिक यांनी मुंबई पोलीस अधिनियम 1951 चे कलम 37(1)(3) अन्वये नाशिक शहर कार्यक्षेत्रात शस्त्र व जमावबंदी आदेश लागू केला आहे.
हा आदेश 13 जून 2026 रोजी मध्यरात्रीपासून ते 27 जून 2026 रोजी रात्री 24 वाजेपर्यंत लागू राहणार आहे. या कालावधीत सार्वजनिक ठिकाणी शस्त्र बाळगण्यास तसेच जमाव जमवण्यास मनाई असेल.
सवलती कोणाला?
सदरचा आदेश लग्नकार्य, धार्मिक मिरवणुका, तालुका आठवडे बाजार किंवा प्रेत यात्रेच्या जमावास लागू होणार नाही. तसेच कर्तव्यावर असलेले पोलीस अधिकारी, इतर शासकीय अधिकारी-कर्मचारी आणि सभा किंवा मिरवणुका काढण्यासाठी रीतसर परवानगी घेतलेल्या व्यक्तींनाही या आदेशातून सूट देण्यात आली आहे.
उल्लंघन केल्यास कारवाई
या आदेशाचे उल्लंघन करणाऱ्या व्यक्तींवर महाराष्ट्र पोलीस कायदा 1951 च्या कलम 135 अन्वये कायदेशीर कारवाई करण्यात येईल, असेही पोलीस आयुक्त संदीप कर्णिक यांनी स्पष्ट केले आहे.
कायदा व सुव्यवस्थेच्या दृष्टीने खबरदारीचा उपाय म्हणून हा निर्णय घेण्यात आला आहे. नागरिकांनी पोलीस प्रशासनाला सहकार्य करावे, असे आवाहन करण्यात आले आहे.
