पुणे महानगरपालिकेत नंदिनी डेव्हलोपर्स या ठेकेदाराचा ‘गंभीर’ करारभंग? कामगारांची पोलीस पडताळणीच गायब!
पुणे :- Pune Municipal Corporation च्या अतिक्रमण/अनधिकृत बांधकाम निर्मूलन विभागात मोठा धक्कादायक प्रकार समोर आला असून, मे. नंदिनी डेव्हलपर्स मालक अशोक शेळके या ठेकेदाराने कंत्राटातील अत्यावश्यक अटींचे उल्लंघन केल्याचा आरोप समोर आला आहे. विशेष म्हणजे, कामगारांची पोलीस चारित्र्य पडताळणीच न केल्यामुळे हा प्रकार अधिक गंभीर मानला जात आहे.
मिळालेल्या माहितीनुसार, महानगरपालिकेने दिलेल्या निविदा अटींमध्ये प्रत्येक कामगाराचा पोलीस पडताळणी दाखला सादर करणे बंधनकारक होते. मात्र संबंधित ठेकेदाराने ही अट पूर्ण न करता कामगारांची नियुक्ती केल्याचा आरोप आहे. त्यामुळे सार्वजनिक सुरक्षेचा प्रश्न उपस्थित झाला आहे.
कामगार कायद्यांचाही भंग?
सदर प्रकरणात केवळ पोलीस पडताळणीच नव्हे, तर कामगारांच्या हक्कांबाबतही गंभीर प्रश्न उपस्थित होत आहेत. निविदा अटींनुसार कामगारांना किमान वेतन, EPF, ESI यांसारख्या सुविधा देणे बंधनकारक आहे. मात्र या बाबींमध्येही अनियमितता असल्याची शक्यता व्यक्त केली जात आहे.
या संदर्भात खालील कायद्यांचे उल्लंघन झाल्याची शक्यता वर्तवली जात आहे:
Contract Labour (Regulation and Abolition) Act, 1970
Minimum Wages Act, 1948
Employees’ Provident Funds and Miscellaneous Provisions Act, 1952
Employees’ State Insurance Act, 1948
कंत्राट रद्द व ब्लॅकलिस्ट करण्याची मागणी
या संपूर्ण प्रकरणात ठेकेदाराने करारातील अटींचा भंग केल्याने त्यांच्यावर कठोर कारवाईची मागणी होत आहे. संबंधित ठेकेदाराचे कंत्राट रद्द करून त्यांना ब्लॅकलिस्ट करण्यात यावे, तसेच त्यांची अनामत रक्कम जप्त करण्यात यावी, अशी मागणी पुढे आली आहे.
कायद्यानुसार, Indian Contract Act, 1872 अंतर्गत हा स्पष्ट करारभंग ठरतो. तसेच Maharashtra Municipal Corporations Act, 1949 नुसार महानगरपालिकेला अशा प्रकरणात कारवाई करण्याचे अधिकार आहेत.
मुज्जम्मील शेख यांचा आक्रमक पवित्रा
या प्रकरणी पत्रकार मुज्जम्मील शेख, अध्यक्ष हिंदी मराठी पत्रकार संघ, पुणे यांनी महानगरपालिकेकडे अधिकृत तक्रार दाखल केली असून, तातडीने चौकशी करून कारवाई करण्याची मागणी केली आहे.
महानगरपालिकेची भूमिका काय?
या गंभीर आरोपांनंतर आता Pune Municipal Corporation प्रशासन काय भूमिका घेते, याकडे सर्वांचे लक्ष लागले आहे.जर वेळेत कारवाई झाली नाही, तर हे प्रकरण अधिकच तापण्याची शक्यता व्यक्त केली जात आहे.
भाग 1
क्रमशः
पुढील भागात आणखीन मोठे खुलासे येणार समोर…
