शिरपूर, धुळे (प्रतिनिधी तुषार शेटे): शिरपूर एज्युकेशन सोसायटी आणि आर. सी. पटेल एज्युकेशन ट्रस्ट, तसेच योग विद्या धाम शिरपूर यांच्या संयुक्त विद्यमाने आंतरराष्ट्रीय योग दिन उत्साहात साजरा करण्यात आला. हा कार्यक्रम शिरपूर फार्मसी कॉलेज येथे मोठ्या उत्साहात आणि शिस्तबद्ध वातावरणात पार पडला.
कार्यक्रमाला आमदार काशीराम पावरा, भाजपा धुळे मा. जिल्हाध्यक्ष तथा नंदुरबार जिल्हा प्रभारी बबनराव चौधरी, शिरपूर एज्युकेशन सोसायटीचे उपाध्यक्ष राजगोपाल भंडारी, योग विद्या धामचे प्रमुख डॉ. श्रीकांत वाडीले, खालचे गाव बालाजी संस्थेचे उपाध्यक्ष गोपाल भंडारी, भाजपा विखरण मंडल अध्यक्ष भरत पाटील, शहर सरचिटणीस नरेंद्र पाटील यांच्यासह अनेक मान्यवर उपस्थित होते.
यावेळी मोठ्या संख्येने योगप्रेमी, बंधू-भगिनी, विद्यार्थी, विद्यार्थिनी आणि नागरिकांनी सहभाग नोंदवून योगाचे महत्त्व अधोरेखित केले. कार्यक्रमात विविध योगासने व प्राणायामाचे प्रात्यक्षिक सादर करण्यात आले. उपस्थितांनी नियमित योगाभ्यास करून निरोगी जीवनशैलीचा स्वीकार करण्याचा संकल्प केला.
