पातूर, अकोला (प्रतिनिधी ज्ञानेश्वर जाधव) : पातूर तालुक्यातील चान्नी पोलीस स्टेशन हद्दीतील सावरगाव येथे 10 वर्षीय चिमुकलीवर झालेल्या अमानुष अत्याचाराच्या घटनेने संपूर्ण परिसर हादरला आहे. या पार्श्वभूमीवर वंचित बहुजन आघाडीच्या जिल्हा व तालुका पदाधिकाऱ्यांनी पीडित मुलगी व तिच्या कुटुंबीयांची भेट घेऊन त्यांना धीर दिला.
घराशेजारी राहणाऱ्या नराधमाने सलग तीन दिवस संबंधित चिमुकलीवर अत्याचार केल्याची धक्कादायक घटना उघडकीस आली असून, या प्रकरणामुळे संताप व्यक्त होत आहे. पीडित कुटुंबीयांना न्याय मिळवून देण्यासाठी वंचित बहुजन आघाडी शेवटपर्यंत लढा देईल, अशी ग्वाही पदाधिकाऱ्यांनी यावेळी दिली.
भेटीदरम्यान अकोला जिल्हा महिला आघाडीच्या माजी अध्यक्षा प्रभाताई शिरसाट, माजी जिल्हा परिषद अध्यक्षा संगीताताई अढाऊ, मायाताई इंगळे, मंदाताई शिरसाट, पातूर तालुक्याचे माजी तालुका अध्यक्ष विक्रमसिंग जाधव, तालुका महिला आघाडी अध्यक्षा अर्चनाताई डाबेराव, माजी उपसभापती इमरान खान, मुमताज खान, तालुका महासचिव मंगेश गोळे, कोषाध्यक्ष राजीवभाई, राणा डाबेराव, दिलीप ताजने, अमित ताजने, निलेश करवते उपस्थित होते.
तसेच बाळापूर पंचायत समितीच्या माजी सभापती रूपालीताई गवई, मीनाक्षीताई शेळके, सरलाताई मेश्राम, उमाताई अंभोरे, वर्षाताई अंभोरे, सुरेखाताई डाखोरे, उमेश गवई, भास्कर अंभोरे आदी पदाधिकारी व कार्यकर्त्यांची उपस्थिती होती.
या घटनेतील आरोपीवर कठोर कारवाई करून पीडितेला तातडीने न्याय मिळावा, अशी मागणी उपस्थितांनी केली.
