पर्णकुटी बेघर होम मध्ये अनोख्या पद्धतीने वाढदिवस साजरा…

 जळगाव प्रतिनिधी : वाढदिवस हा केवळ औपचारिक उत्सव न राहता समाजसेवेची,मानवतेची चांगली संधी ठरू शकतो.याचा प्रेरणादायी आदर्श प्रसिद्ध सामाजिक कार्यकर्ते (पत्रकार) नितीन जावळे आणि आदिवासी बहुल भागात सामाजिक कार्य करणाऱ्या विनम्र शील समाजसेविका सौं.कामिनी जावळे ह्या दाम्पत्या ने दाखवून दिला आहे.
आपला मुलगा सर्वेश जावळे चा वाढदिवस त्यांनी उल्हासनगर च्या पर्णकुटी बेघर होम मध्ये जेष्ठ वयोवृद्ध मंडळींच्या उपस्थिती मध्ये मोठया आनंदात आणि उत्साहात साजरा केला.सदर ठिकाणी घरी बनविलेला केक तेथील वयोवृद्ध आजींच्या हस्ते कापण्यात आला तेव्हा सर्व वयोवृद्ध आणि निराधार माता भगिनींचे डोळे आनंदाने पाणावले.जावळे परिवारा तर्फे पर्णकुटी बेघर होम मधील सर्वांना आनंदाने स्वतःच्या हाताने घरी बनविलेले सुग्रास स्नेहभोजन वाढण्यात आले.
ह्या प्रसंगी उपस्थित सर्व वयोवृद्ध मंडळींनी नितीन जावळे परिवाराच्या सामाजिक बांधिलकीचे, मानवतेचे,संवेदनशीलतेचे मनापासुन कौतुक करत चिरंजीव सर्वेश जावळे यास भरभरून आशीर्वाद आणि शुभेच्छा देत सांगितले की दरवर्षी विविध ठिकाणी वयोवृद्ध जेष्ठांच्या चेहऱ्यावर आनंद फुलविणारा हा सेवाभावी उपक्रम समाजाला निश्चितच प्रेरणादायी आहे.
सदर प्रसंगी पर्णकुटी बेघर होम चे केअर टेकर सन्मा.श्री.श्रीधर वाकळे,सौं.सविता वाकळे आणि महाराष्ट्र लेवा पाटीदार महासंघ च्या मुंबई विभाग संघटक सौं.स्मिता चौधरी आणि इतर सन्माननीय मान्यवर उपस्थित होते.