दौंड (प्रतिनिधी- संघराज गायकवाड, मयूर साळवे) संत तुकडोजी विद्यालयाच्या 2004–05 बॅचचा स्नेहमेळावा मोठ्या उत्साहात व उत्सवमूढ वातावरणात पार पडला. या विशेष कार्यक्रमास शाळेचे माजी विद्यार्थी, शिक्षक व स्नेही मोठ्या संख्येने उपस्थित होते.
कार्यक्रमाची सुरुवात डावरे सरांच्या हस्ते दीपप्रज्वलन व सरस्वती पूजनाने झाली. दीपप्रज्वलनानंतर शाळेच्या आठवणींना उजाळा देत भावनिक वातावरण निर्माण झाले. शाळेतील दिवस, शिक्षकांचे मार्गदर्शन, मैत्रीतील नाती आणि बालपणातील गोड आठवणी सहभागी सदस्यांनी एकमेकांशी शेअर केल्या.
कार्यक्रमाचे सुरेख सूत्रसंचालन प्रसिद्ध सूत्रसंचालक रवी पवार यांच्यासह रुपेश बंड यांनी केल्याने संपूर्ण कार्यक्रमात एक वेगळीच रंगत आली.
या स्नेहमेळाव्याच्या निमित्ताने जुन्या मित्रांची भेट, जुन्या आठवणींचा पुन्हा अनुभव आणि भविष्यात एकत्र येण्याचा निर्धार अशा अनेक गोष्टी घडल्या. कार्यक्रमाच्या शेवटी उपस्थित सदस्यांनी पुन्हा एकदा नियमित स्नेहमेळावा घेण्याचा संकल्प करत, स्नेहमेळाव्याचा आनंददायक शेवट केला.
