लोकशाहीर अण्णा भाऊ साठे यांची जयंती राष्ट्रवादी काँग्रेसतर्फे उत्साहात साजरी

सिन्नर : (प्रतिनिधी नवनाथ आव्हाड) लोकशाहीर, साहित्यसम्राट अण्णा भाऊ साठे यांची जयंती सिन्नर येथील आमदार माणिकराव कोकाटे यांच्या संपर्क कार्यालयात राष्ट्रवादी काँग्रेस पक्षाच्या वतीने उत्साहात साजरी करण्यात आली.
कार्यक्रमाची सुरुवात अण्णा भाऊ साठे यांच्या प्रतिमेचे पूजन करून करण्यात आली. नगराध्यक्ष विठ्ठलराजे उगले यांच्या हस्ते प्रतिमापूजन करण्यात आले. यावेळी शहराध्यक्ष सुभाष कुंभार यांनी अण्णा भाऊ साठे यांच्या साहित्य, सामाजिक कार्य आणि बहुजन समाजाच्या उन्नतीसाठी दिलेल्या योगदानाचा गौरव करत उपस्थितांना मार्गदर्शन केले.
या कार्यक्रमास नगरसेविका कांताबाई जाधव, गीता वरंदळ, नगरसेवक बाळासाहेब उगले, विजय वरंदळ, पंकज जाधव, विलास जाधव, हरिभाऊ वरंदळ, नंदू मिस्तरी, सुभाष काळे, अरुण जाधव, योगेश भास्कर, मिलिंद देशमुख यांच्यासह राष्ट्रवादी काँग्रेस पक्षाचे पदाधिकारी, कार्यकर्ते व नागरिक मोठ्या संख्येने उपस्थित होते.
कार्यक्रमाचे सूत्रसंचालन समर्थ उगले यांनी केले. उपस्थितांनी अण्णा भाऊ साठे यांच्या विचारांचे स्मरण करून त्यांच्या कार्याचा आदर्श समाजाने जोपासण्याचा संकल्प व्यक्त केला.