दौंड (प्रतिनिधी संघराज गायकवाड ,मयुर साळवे)
Times Of Maharashtra : :- नगरपरिषदेच्या उपनगराध्यक्षपदी नागरिक हित संरक्षण मंडळ, भारतीय जनता पार्टी, रिपब्लिकन पार्टी ऑफ इंडिया (आठवले गट) तसेच पीआरपी (कवाडे गट) यांच्या संयुक्त पाठिंब्याने नगरसेविका छाया दिपक थोरात यांची सर्वानुमते निवड करण्यात आली. तसेच स्विकृत नगरसेवक पदी राजु बारवकर व अमोल काळे यांची नियुक्ती करण्यात आली
नगरपरिषद सभागृहात पार पडलेल्या विशेष बैठकीत उपनगराध्यक्ष पदासाठी निवड प्रक्रिया पार पडली. या वेळी उपस्थित सर्व नगरसेवकांनी छाया थोरात यांच्या नावाला एकमताने पाठिंबा दिला. कोणताही विरोध न होता त्यांची निवड जाहीर करण्यात आली.
निवडीनंतर बोलताना छाया थोरात यांनी नगरपरिषदेत नागरिकांच्या मूलभूत समस्या, स्वच्छता, पाणीपुरवठा, रस्ते, आरोग्य व महिला–युवकांसाठीच्या विकासकामांना प्राधान्य देणार असल्याचे सांगितले. सर्व पक्षांच्या सहकार्याने दौंड शहराच्या विकासासाठी काम करणार असल्याचा विश्वास त्यांनी व्यक्त केला.
या निवडीबद्दल नागरिक हित संरक्षण मंडळ, भाजप, आरपीआय (आठवले गट) व पीआरपी (कवाडे गट) पदाधिकारी, नगरसेवक व कार्यकर्त्यांनी त्यांचे अभिनंदन केले. शहराच्या राजकीय वर्तुळात या सर्वानुमते निवडीचे स्वागत करण्यात येत असून, आगामी काळात नगरपरिषदेत सकारात्मक व विकासाभिमुख कारभार अपेक्षित असल्याची प्रतिक्रिया व्यक्त होत आहे.
