Times of maharashtra desk, Pune: जनता दल पक्षाचे ज्येष्ठ नेते बिलोली विधानसभेचे माजी आमदार गंगाधरराव पटणे यांचे वृद्धापकाळाने निधन झाले. ज्येष्ठ समाजवादी नेते, तत्त्वनिष्ठ व्यक्तिमत्व बिलोली तालुक्यातील स्वच्छ प्रतिमेचा निस्वार्थी राजकारणी अशी त्यांची ओळख होती. ग्रंथालय संघटनेचे प्रदेश अध्यक्ष म्हणून त्यांनी राज्यभरात काम केले.
महाराष्ट्र राज्याचे तत्कालीन गृहमंत्री व माजी मुख्यमंत्री शंकरराव चव्हाण यांचे सुपुत्र अशोकराव चव्हाण यांच्या विरोधात नांदेड लोकसभेतून डॉ.व्यंकटेश व्यंकटेश काबदे यांना खासदार व गंगाराम थकरवाड यांना आमदार करण्यामध्ये गंगाधरजी पटणे यांचे मोठे योगदान होते. माजी आमदार गंगाधर रावजी कुंटूरकर यांच्या निधनाने ज्वलंत विचाराची मशाल थंडावली असल्याची हळहळ व्यक्त होत आहे.
आजारामुळे त्यांना नांदेड येथील अश्विनी हॉस्पिटलमध्ये दाखल करण्यात आले होते. याच हॉस्पिटलमध्ये त्यांनी अखेरचा श्वास घेतला. मृत्यू समयी त्यांनी वयाची शंभरी गाठली होती.
त्यांच्या निधनाने नांदेड जिल्ह्यात सर्व स्तरातून हळहळ व्यक्त केली जात आहे.
