Times of Maharashtra Desk, India Stock Market: भारतीय शेअर बाजारात बुधवार, २६ नोव्हेंबर रोजी चांगलीच तेजी दिसून येत आहे. दोन्ही प्रमुख बेंचमार्क निर्देशांक हिरव्या रंगात बंद झाले. ३० शेअर्सचा बीएसई सेन्सेक्स १,०२२ अंकांनी वाढून ८५,६०९ वर बंद झाला आहे. एनएसई निफ्टी ५० मध्येही वाढ झाली, ३२० अंकांनी वाढून तो २६,२०५ वर बंद झाला असून भारतीय शेअर बाजारातील या तेजीमागे ही काही कारणे असू शकतात असे तज्ञांचे म्हणणे आहे.
शेयर मार्केट मधील तेजीची प्रमुख करणे
१. परदेशी गुंतवणूकदारांनी जोरदार खरेदी केली
बुधवारी परदेशी गुंतवणूकदारांनी भारतीय शेअर बाजारात जोरदार खरेदी केली, ज्यामुळे बाजार मजबूत झाला. त्यांनी ₹७८५ कोटींची खरेदी केली. देशातील गुंतवणूकदारांनीही , सुमारे ₹३,९१२ कोटी इतकी मोठी खरेदी केली
२. अमेरिकन फेडरल रिझर्व्ह व्याजदर कपातीची अपेक्षा
अमेरिकेच्या फेडरल रिझर्व्हच्या व्याजदर कमी होऊ शकतो, अशी अपेक्षा असल्यामुळे भारतीय बाजाराला चालना मिळाली. फेडरल रिझर्व्हच्या दोन अधिकाऱ्यांच्या विधानांमुळे ही अपेक्षा वाढली. आशियाई बाजारात १% वाढ झाल्यामुळे भारतीय शेअर बाजारावरही सकारात्मक परिणाम झाला आहे.
३. कच्च्या तेलाच्या किमतीत घसरण
जागतिक स्तरावर कच्च्या तेलाच्या किमती घसरल्या, ज्यामुळे भारतीय बाजारात तेजी आली. बुधवारी कच्च्या तेलाच्या किमती $६३ च्या खाली आल्या आहेत.
