जळगाव (प्रतिनिधी विनोद पवार) : महाराष्ट्र पोलीस दलात उत्कृष्ट व उल्लेखनीय कामगिरी करणाऱ्या अधिकारी व कर्मचाऱ्यांना दिला जाणारा मानाचा ‘पोलीस महासंचालक सन्मानचिन्ह’ (DG Insignia) जाहीर झाला असून, यामध्ये जळगाव जिल्हा पोलीस दलातील तब्बल २८ जणांचा समावेश झाल्याने जिल्ह्याच्या शिरपेचात मानाचा तुरा रोवला गेला आहे.
महाराष्ट्र पोलीस दलाच्या वतीने २०२५ वर्षासाठी हा सन्मान जाहीर करण्यात आला असून, २९ एप्रिल २०२६ रोजी पोलीस महासंचालकांच्या आदेशानुसार अधिकृत यादी प्रसिद्ध करण्यात आली.
या प्रतिष्ठेच्या सन्मानासाठी ५ अधिकारी आणि २३ अंमलदारांची निवड झाली आहे. अधिकारी वर्गात अण्णासाहेब बाळासाहेब घोलप (पोलीस उपअधीक्षक, चोपडा विभाग), विठ्ठल शंकर फुसे (पोलीस उपनिरीक्षक), रविंद्र सरजेराव गायकवाड (पोलीस उपनिरीक्षक), भरतसिंग प्रल्हादसिंग पाटील आणि रामराम छगुराव सकट यांचा समावेश आहे.
अंमलदार गटात सहाय्यक पोलीस उपनिरीक्षक दिलीप जाधव, शामकांत सोनवणे, श्रीमती मीनाक्षी सावळे, सलोमन पठन, अफजलखान पठन यांच्यासह अनेक हवालदार व पोलिस या सर्वांचा सन्मान जळगाव पोलीस दलासाठी अभिमानाची बाब ठरली असून, त्यांच्या कार्यामुळे जिल्ह्यात कायदा व सुव्यवस्था अधिक बळकट होत असल्याची भावना व्यक्त होत आहे.
