शिरपूर (जि. धुळे) – दरवर्षाप्रमाणे यंदाही श्रीराम नवमीचा पवित्र उत्सव शहरातील श्रीराम मंदिर देवस्थान, बालाजी नगरी परिसरात मोठ्या भक्तिभावाने आणि उत्साहात साजरा करण्यात आला. चैत्र शुक्ल नवमी, गुरुवार दि. २६ मार्च २०२६ रोजी पार पडलेल्या या सोहळ्यास हजारो भाविकांनी उपस्थित राहून दर्शनाचा लाभ घेतला.
उत्सवानिमित्त दुपारी ठीक १२ वाजता मान्यवरांच्या शुभहस्ते विधिवत पूजा व महाआरती करण्यात आली. त्यानंतर दुपारी १२ ते रात्री १२ वाजेपर्यंत अखंड दर्शन सोहळा आणि तीर्थप्रसादाचे वाटप करण्यात आले. दिवसभर मंदिर परिसरात भक्तांची मोठी गर्दी उसळली होती.
महाआरतीचे मानकरी म्हणून
- महंत सतिषदासजी महाराज (भोंगे मठाधिपती व गादीपती, श्रीराम मंदिर देवस्थान)
- श्री चैतन्य प्रकाश महाराज
- नगरसेवक तथा शिक्षण समिती सभापती शामकांत जगन्नाथ ईशी
यांच्या हस्ते विधिवत पूजा व महाआरती पार पडली. संपूर्ण परिसर “जय श्रीराम”च्या घोषणांनी दुमदुमून गेला.
