रविवारी रात्री उशिरापर्यंत खोलीचा दरवाजा न उघडल्यामुळे सुरक्षारक्षकाने संशय बळावल्याने दरवाजा तोडला. त्यावेळी डॉक्टर व्होरा यांनी गळफास घेतलेला आढळले. तत्काळ संबंधित घटनेची माहिती पोलिसांना देण्यात आली.
आत्महत्येचे कारण अजूनही अस्पष्ट
आत्महत्येमागचं कारण अद्याप स्पष्ट झालेलं नाही. मात्र, घटनास्थळी एक चिठ्ठी सापडली असून त्यावर डॉक्टर व्होरा यांनी आपल्या मोबाईलचा पासवर्ड लिहून ठेवलेला आहे. पोलीस त्या मोबाईलची तपासणी करून पुढील माहिती मिळवण्याचा प्रयत्न करत आहेत.
कुटुंबीयांची विनंती : ‘मुलं गुजरातमध्ये आहेत…’
या घटनेची माहिती डॉक्टर व्होरांचे कुटुंबीयांना देण्यात आली आहे. सध्या ते गुजरातमध्ये असून त्यांनी प्रशासनाला विनंती केली आहे की, “जोपर्यंत आम्ही पुण्यात पोहोचत नाही, तोपर्यंत मृतदेहाशी संबंधित कोणतीही कारवाई करू नये.”
Advertisement by Unique Computers
👇👇Click the Image below👇👇
Advertisement by Unique Computers
पुढील तपास सुरू
कोरेगाव पार्क पोलीस स्टेशनचे अधिकारी या प्रकरणाचा तपास करत आहेत. आत्महत्येचं कारण वैयक्तिक की व्यावसायिक – हे शोधण्यासाठी डॉक्टर व्होरांच्या सहकाऱ्यांची आणि नातेवाईकांची चौकशी केली जाणार आहे. मोबाईलमध्ये किंवा इतर डिजिटल माध्यमांतून काही ठोस माहिती मिळण्याची शक्यता असल्याने सायबर तज्ज्ञांची मदत घेण्यात येणार आहे.
ही घटना वैद्यकीय क्षेत्रातील मानसिक आरोग्याच्या समस्यांकडे पुन्हा एकदा लक्ष वेधणारी ठरत आहे. अधिकृत अहवालानंतरच आत्महत्येमागचे नेमके कारण स्पष्ट होणार आहे.
