Times of Maharashtra, पुणे प्रतिनिधी : २७ ऑक्टोबर रोजी जागतिक व्यवसायोपचार दिन जगभर साजरा केला जातो. हा दिवस व्यवसायोपचार तज्ञांच्या त्या महत्त्वपूर्ण भूमिकेचा सन्मान करतो, ज्यांच्या माध्यमातून रुग्णांना स्वावलंबन मिळते आणि जीवनमान सुधारते. यंदाच्या वर्षीचा विषय “ऑक्युपेशनल थेरपी इन ॲक्शन” (World Occupational Therapy Day) हा उपचारात्मक क्रियाकलापांच्या माध्यमातून पुनर्वसन आणि पुनर्प्राप्ती कशी साध्य होते यावर केंद्रित होता.
या परंपरेला पुढे नेत, रुबी हॉल क्लिनिक, ससून रोड, पुणे जे शहरातील एक सर्वसमावेशक आणि सुपर-स्पेशलायझ्ड पुनर्वसन कार्यक्रम देणारे रुग्णालय आहे या रुग्णालयानी जागतिक व्यवसायोपचार दिन मोठ्या उत्साहात साजरा केला. या कार्यक्रमास डॉ. पुरवेज ग्रँट, डॉ. सायमन ग्रँट, मुख्य कार्यकारी अधिकारी श्री. बेहराम खोदाजी, तसेच व्यवसायोपचार, पुनर्वसन विभागातील डॉक्टर, रुग्ण, कर्मचारी आणि सल्लागार उपस्थित होते.
रुबी हॉल क्लिनिकच्या संचालक तथा पुनर्वसन विभाग आणि वरिष्ठ व्यवसायोपचार तज्ञ डॉ. स्मिता इंगळे यांनी या कार्यक्रमाचे नेतृत्व केले. जी.एस. मेडिकल कॉलेज आणि केईएम हॉस्पिटल, मुंबई येथील न्युरोलॉजिकल रिहॅबिलिटेशन तज्ञ असलेल्या डॉ. इंगळे यांनी फिजिओथेरपी, व्यवसायोपचार, भाषोपचार, ऑर्थोटिक्स आणि प्रोस्थेटिक्स या सर्व क्षेत्रांमध्ये जनजागृती आणि नावीन्याला चालना दिली आहे.
या कार्यक्रमाचे मुख्य अतिथी म्हणून ऑल इंडिया ऑक्युपेशनल थेरपिस्ट्स असोसिएशन (AIOTA) चे अध्यक्ष डॉ. पंकज बाजपेयी त्यांनी रुग्णांनी केलेल्या विविध उपचारात्मक आणि सर्जनशील क्रियाकलापांचे निरीक्षण केले, तसेच यूएसए मधून आलेल्या आर्ट अँड क्राफ्ट शिक्षिका मिस मेधा सुदुंबरेकर यांच्या मार्गदर्शनाखाली रुग्णांनी केलेल्या उत्कृष्ट कामगिरीसाठी त्यांचा सत्कार केला.
कार्यक्रमात सादर करण्यात आलेल्या अत्याधुनिक पुनर्वसन तंत्रज्ञानांमध्ये समाविष्ट होते:
- Rehab Relief Robotic Hand Glove – हाताच्या पुनर्वसनासाठी
- Mobi-L – भारतातील पहिले रोबोटिक व व्हर्च्युअल रिअॅलिटी-आधारित वरच्या आणि खालच्या अंगांचे पुनर्वसन उपकरण
- Nudge – न्युरोलॉजिकल रुग्णांसाठी भारतातील पहिले गेम-आधारित संज्ञानात्मक आणि रिफ्लेक्स प्रशिक्षण प्रणाली
या कार्यक्रमात AIOTA च्या पुणे शाखेची स्थापना देखील करण्यात आली, ज्यामध्ये पुण्यातील अनेक व्यवसायोपचार तज्ञ सहभागी झाले होते. पुढील दिवशी “कोमा अराउजल थेरपी इन क्रिटिकल केअर” या विषयावर सीएमई आयोजित करण्यात आली, ज्यातून न्युरोलॉजिकल रुग्णांसाठी प्रारंभिक पुनर्वसन प्रक्रियेला बळकटी मिळाली. कार्यक्रमाची सांगता दीपप्रज्वलन, केक कापण्याचा समारंभ, जनजागृती बूथ, आकर्षक सजावट तसेच जेवण, नाश्ता आणि हाय टीने करण्यात आली. हा कार्यक्रम अर्थपूर्ण आणि आनंददायी ठरला. रुबी हॉल क्लिनिक सातत्याने दयाळू सेवा, नाविन्यपूर्ण तंत्रज्ञान आणि संघभावनेद्वारे पुनर्वसन क्षेत्रात पुण्याचे नेतृत्व करत आहे.
