गेवराई (प्रतिनिधी विष्णू गायकवाड): गेवराई तालुक्यातील शिवाजीनगर, गढी येथील शिव शारदा पब्लिक स्कूलने पुन्हा एकदा शैक्षणिक गुणवत्तेची परंपरा कायम राखत केंद्रीय माध्यमिक शिक्षण मंडळाच्या (सीबीएसई) परीक्षेत 100 टक्के निकालाची नोंद केली आहे. फेब्रुवारी-मार्च 2026 मध्ये पार पडलेल्या परीक्षेचा निकाल 15 एप्रिल रोजी जाहीर झाला.
शाळेच्या या यशात कु. आंधळे अथर्व राजू याने 95.60 टक्के गुणांसह प्रथम क्रमांक पटकावला. कु. शेलकर स्वरा सतीश हिने 95.40 टक्के गुणांसह द्वितीय, तर कु. इघे कीर्ती संतोष हिने 95 टक्के गुण मिळवत तृतीय क्रमांक मिळवला. याशिवाय कु. पुरणपोळे अदिती संजय (94.80%) आणि कु. दाभाडे शिवम विलास (94.60%) यांनी अनुक्रमे चौथा व पाचवा क्रमांक मिळवला.
या बॅचमध्ये एकूण 116 विद्यार्थी परीक्षेला बसले होते. त्यापैकी 50 टक्के विद्यार्थ्यांनी 80 टक्क्यांपेक्षा अधिक गुण मिळवले, तर 16 विद्यार्थ्यांनी 90 टक्क्यांहून अधिक गुणांसह विशेष प्राविण्य संपादन केले. बीड जिल्ह्यातील सीबीएसई शाळांमध्ये उत्कृष्ट कामगिरी करत शाळेने ठसा उमटवला आहे.
या उल्लेखनीय यशाबद्दल संस्थेचे अध्यक्ष माजी मंत्री शिवाजीराव पंडित, माजी आमदार अमरसिंह पंडित, सचिव जयसिंग पंडित, आमदार विजयसिंह पंडित, शारदा क्रीडा अकादमीचे संचालक रणवीर पंडित, युवा नेते पृथ्वीराज पंडित तसेच शाळेचे प्राचार्य डॉ. विशाल भारद्वाज, शिक्षक व शिक्षकेतर कर्मचाऱ्यांनी विद्यार्थ्यांचे अभिनंदन करून पुढील वाटचालीसाठी शुभेच्छा दिल्या.
तसेच माजी प्राचार्य संतोष कुमार अन्नम यांनाही दूरध्वनीद्वारे शुभेच्छा देण्यात आल्या.
