पुणे – शहरातील गंगाधाम चौकात आज सकाळी एक भीषण अपघात घडला. ट्रक आणि स्कूटरमध्ये झालेल्या या धडकेत स्कूटरवरील महिलेचा दुर्दैवी मृत्यू झाला. दिपाली युवराज सोनी (वय २५) असे मृत महिलेचे नाव असून, त्या अपघातात जागीच ठार झाल्या.
ही दुर्घटना सकाळी सुमारे ११ वाजण्याच्या सुमारास घडली. गंगाधाम चौकात ट्रकने स्कूटरला धडक दिली आणि त्यामुळे स्कूटरवरील महिलेचा जागीच मृत्यू झाला. घटनास्थळी लगेचच वाहतूक पोलिस दाखल झाले असून, अपघाताच्या कारणाचा शोध सुरू आहे.
Advertisement by Unique Computers
👇👇Click the Image below👇👇
Advertisement by Unique Computers
👇👇Click the Image below👇👇
अपघात नेमका कसा झाला, हे अद्याप स्पष्ट झालेले नाही. मात्र भर चौकात ही घटना घडल्यामुळे काही वेळ वाहतुकीवर मोठा परिणाम झाला. अपघातानंतर परिसरात वाहतूक विस्कळीत झाली आणि नागरिकांना वाहतूक कोंडीचा सामना करावा लागला.
पोलिसांनी अपघातग्रस्त ट्रक आणि स्कूटर दोन्ही ताब्यात घेतले असून, सीसीटीव्ही फुटेजच्या आधारे तपास सुरू आहे. अपघाताचे नेमके कारण आणि जबाबदार कोण हे तपासाअंती स्पष्ट होणार आहे. आपत्ती टाळा, सुरक्षित वाहनचा लना करा.
