ही घटना लक्ष्मी रोडवरील एका प्रसिद्ध ज्वेलरी शोरूममध्ये घडली. गेल्या काही महिन्यांपासून सतत स्टॉक कमी होत असल्याचे व्यवस्थापनाच्या लक्षात आले. त्यानंतर दुकानातील सीसीटीव्ही फुटेज आणि इतर नोंदी तपासून पाहण्यात आल्या असता, एका सेल्समनवर संशय बळावला. हा सेल्समन मागील आठ ते नऊ महिन्यांपासून छोटे-छोटे दागिने चोरून ते विक्रीस काढत होता, असे तपासात समोर आले.
पोलिसांनी सदर सेल्समनला ताब्यात घेतले असून, त्याच्याकडून सुमारे ४.५८ कोटी रुपयांच्या सोन्याचे हिशेब सापडले आहेत. त्याने हा पैसा विविध बँक खात्यांमध्ये वळवले असून, काही रक्कम त्याने संपत्तीत गुंतवली असल्याची माहिती देखील तपास यंत्रणांना मिळाली आहे.
Advertisement by Unique Computers
शहर पोलीस आयुक्तांनी दिलेल्या माहितीनुसार, “या प्रकरणात आणखी काही जण सामील असल्याचा संशय आहे. आम्ही सखोल तपास करत आहोत. दुकान व्यवस्थापनाच्या सतर्कतेमुळे ही मोठी चोरी वेळेत उघडकीस आली.”
या घटनेमुळे शहरातील ज्वेलर्समध्ये भीतीचे वातावरण निर्माण झाले आहे. आर्थिक सुरक्षेच्या दृष्टीने अंतर्गत कर्मचाऱ्यांची पार्श्वभूमी तपासणे किती आवश्यक आहे, हे पुन्हा एकदा अधोरेखित झाले आहे.
पोलिस तपास सुरू असून, आणखी काही खुलासे होण्याची शक्यता वर्तवली जात आहे.
