पुणे : पुणे हवेली येथील भूमि अभिलेख उप अधीक्षक अमरसिंह रामचंद्र पाटील यांच्याविरोधात येरवडा पोलीस ठाण्यात भ्रष्टाचार प्रतिबंधक कायद्याअंतर्गत गुन्हा दाखल करण्यात आला आहे. या कारवाईनंतर पाटील यांना तत्काळ प्रभावाने निलंबित करण्यात आले आहे.
प्राप्त माहितीनुसार, अमरसिंह पाटील यांच्याविरोधात कलम ७ (भ्रष्टाचार प्रतिबंधक अधिनियम), तसेच भारतीय न्याय संहिता २०२३ मधील कलम ३०८ (२), १९८ व २०१ अंतर्गत गुन्हा दाखल करण्यात आला आहे. या गंभीर प्रकरणाच्या पार्श्वभूमीवर भूमि अभिलेख विभागाने विशेष समिती गठीत करत त्यांच्या कामकाजाची सखोल चौकशी सुरू केली आहे.
महाराष्ट्र नागरी सेवा (शिस्त व अपिल) नियम १९७९ अन्वये त्यांना निलंबित करण्यात आले असून, पुढील आदेश होईपर्यंत ते शासन सेवेतून दूर राहणार आहेत. निलंबन कालावधीत त्यांचे मुख्यालय उप अधीक्षक, भूमि अभिलेख कार्यालय, लोहारा, जि. धाराशिव येथे निश्चित करण्यात आले आहे. मुख्यालय सोडण्यापूर्वी धाराशिव जिल्हा अधीक्षक यांची परवानगी घेणे बंधनकारक करण्यात आले आहे.
👇👇👇Advertisement👇👇👇
👆👆👆 Advertisement 👆👆👆
या प्रकारामुळे महसूल व भूमि अभिलेख विभागात खळबळ उडाली असून, राज्य सरकारने प्रशासनातील भ्रष्टाचाराविरोधात कठोर भूमिका घेतल्याचे स्पष्ट संकेत मिळाले आहेत.
यासाठी हिंदी मराठी पत्रकार संघाचे पुणे शहर अध्यक्ष मुज्जम्मील शेख यांनी पाठपुरावा केला आहे.
काय म्हणाले मुज्जम्मील शेख…
अमरसिंह पाटील यांच्यावर जी कारवाई झाली ती अत्यंत चांगली कारवाई झाली आहे बडतर्फ होण्याची गरज होती मात्र सध्या निलंबित झाले प्रशासनाचे मानावे तेवढे आभार. मात्र यांना पाठराखण करणारे राजेंद्र गोळे आणि अधीक्षक सूर्यकांत मोरे यांची देखील या प्रकरणात चौकशी होणे गरजेचे आहे. या प्रकरणात हे देखील सामील असल्याची खात्रीलायक माहिती सूत्रांकडून प्राप्त झालेली आहे.
