आमदार मिटकरी, रुपाली ठोंबरेन आणि संग्राम जगतापांना विरोध करणारे सलीम सारंग यांना केला यादीतून बाहेर…
Times of Maharashtra Desk: काही दिवसांपासून आजीत दादांच्या राष्ट्रवादीमध्ये अनेक घडामोडी घडत आहेत. रूपाली ठोंबरे आणि चाकणकर प्रकरण असो वा सलीम सारंग प्रकरण असो, अजित दादाच्या पक्षात आपापसातील मतभेद स्पष्टपणे दिसून येत आहेत. सध्या आगामी निवडणुकीची घोषणा झाल्यापासून अजित दादांच्या पक्षात मोठी उलाढाल होत आहेत. सध्या राष्ट्रवादी काँग्रेसमध्ये मुस्लिम समाजाशी निगडित विषयांवर भूमिका मांडणाऱ्या नेत्यांची अडचण वाढत असल्याची चर्चा सुरू आहे. अजित दादानी मुस्लिमांची पाठराखण करणाऱ्या नेत्यांना यादीतून वागल्याचे स्पष्ट दिसून येत आहे. यामुळे अजित पवारांचे दाखवायचे दात वेगळे आणि खायचे वेगळे असा टोला अजित दादाना मारला जात आहेत.
पक्षात घेतल्या जाणाऱ्या निर्णयांमुळे मुस्लिम नेतृत्वाकडे दुर्लक्ष होतेय का?
रूपाली ठोंबरे पाटील आणि सलीम सारंग यांनी काही दिवसांपूर्वी मुस्लिम बांधवांच्या बाजूने भाष्य केले होते. त्यांची ही प्रकरणे चांगलीच चर्चेत आली होती. रूपाली ठोंबरे पाटील यांचे प्रवक्तापद काही दिवसांपूर्वी अचानक काढून घेण्यात आले होते. रूपाली पाटील यांनी शनिवार वाड्यात झालेल्या नमाज पठण प्रकरणी मुस्लिम समाजाची भूमिका मांडली होती. ही प्रकरण होताच त्यांचे प्रवक्ते पद काढले तर आगामी निवडणुकांच्या अनुषंगाने कोणत्याही जवाबदारीच्या पदावर त्याचे नाव टाकण्यात आले नाही. यामुळे मुस्लिम समाजाची भूमिका मांडली म्हणून त्यांचे नाव यादीतून वगळले का असा प्रश्न आता उपस्थित करण्यात येत आहे तर दुसऱ्या बजूला सलीम सारंग यांनी संग्राम जगताप यांना उघडपणे विरोध केला होता त्याच्या या विरोधामुळे त्यांचे नाव यादीत नाही असा आरोप देखील अजित दादांवर केला जात आहे.
यादीतून कोणाकोणाची नावे हटवली? तटकरेंकडून दादाच्या जवळच्या नेत्यांना धोका..?
निवडणूकीची घोषणा होताच अजित दादांच्या राष्ट्रवादीत मोठ्या प्रमाणात गटबाजी होताना दिसत आहेत. पक्षातील नेत्यांमधील मतभेद देखील वाढत आहेत.अजित दादानी नुकतीच स्टार प्रचारकांची यादी प्रसारित केली आहे. या यादीत २०२४ मध्ये स्टार प्रचारक असलेल्या अनेक मोठ्या नेत्यांना २०२५ मध्ये नवीन यादीतून वगळण्यात आले आहे. मंत्री छगन भुजबळ, खासदार सुनेत्रा पवार, अविनाश आदीक, मंत्री दिलीप वळसे, राज्याचे उपाध्यक्ष सलीम सारंग विद्यार्थी राष्ट्रीय अध्यक्ष चैतन्य मानकर, खासदार नितीन पाटील, राष्ट्रवादी अल्पसंख्याक असेल चे राष्ट्रीय अध्यक्ष जलीलुद्दीन सय्यद, आणि युवक राष्ट्रीय अध्यक्ष धिरज शर्मा यांची नावे यादीतून हटवण्यात आली आहेत. या सर्वांची नवे हटवण्यामागे सुनील तटकरे जबाबदार आहेत अशी चर्चा सध्या रंगली आहे. खरतर यादीतून वागळलेले सर्व नेते अजित दादांच्या आगदी जवळचे आहेत, त्यामुळे ताटकरेंकडून या सर्वाना बाजूला ठेवण्यात आल्याच्या चर्चेला सध्या उधाण आले आहे. देशाध्यक्ष सुनील तटकरे आणि उपमुख्यमंत्री अजित पवार यांच्यातील मतभेद वाढले असून त्याचा फटका पक्षातील काही नेत्यांना बसत असल्याचा आरोप कार्यकर्त्यांकडूनच केला जात आहे. अजित पवार यांच्यावर मुस्लिम समाजातील प्रश्नांवर भूमिका घेणाऱ्या नेत्यांना बाजूला सारल्याचा आरोप केला जात असला तरी पक्षाकडून या सर्व प्रश्नावर अद्यापही कोणतेच वक्तव्य करण्यात आलेले नाही.
