Times of Maharashtra Desk, Pune: भारतरत्न मौलाना अबुल कलाम आजाद यांच्या १३७व्या जयंतीनिमित्त आयोजित कार्यक्रमात टाईम्स ऑफ महाराष्ट्रचे संपादक मुज्जम्मील शेख यांना ‘मौलाना आज़ाद आदर्श जनसेवक पुरस्कार’ प्रदान करण्यात आला.
हा कार्यक्रम भारतरत्न मौलाना आज़ाद सोशल एज्युकेशन अॅण्ड स्पोर्ट्स असोसिएशनचे अध्यक्ष अमानत शेख व त्यांच्या समितीच्या वतीने कोरेगाव पार्क येथील मौलाना आज़ाद सांस्कृतिक भवन येथे पार पडला. समाजकारण, पत्रकारिता आणि पुणेकरांसाठी सातत्याने केलेल्या लोकसेवेची दखल घेत असोसिएशनच्या निवड समितीने टाईम्स ऑफ महाराष्ट्राचे मुख्य संपादक व निर्भीड पत्रकार मुज्जम्मील शेख यांची या प्रतिष्ठित पुरस्कारासाठी निवड केली.
या कार्यक्रमास राज्यमंत्री इब्राहिम भाईजान, काँग्रेसचे नेते अभय छाजेड, इकबाल अन्सारी, अमिन शेख व आदी मान्यवर उपस्थित होते. पुरस्कार स्वीकारल्यानंतर आपल्या भावना व्यक्त करताना शेख म्हणाले की, “हा सन्मान माझ्या सामाजिक व पत्रकारितेच्या वाटचालीस प्रेरणादायी ठरेल. समाजहितासाठी आणखी कार्य करण्याची ऊर्जा या पुरस्काराने मला दिली आहे.”
कार्यक्रमाच्या शेवटी उपस्थित मान्यवर व पाहुण्यांनी मुज्जम्मील शेख यांचे अभिनंदन करून पुढील सामाजिक कार्यासाठी शुभेच्छा दिल्या.
