सिन्नर (प्रतिनिधी नवनाथ आव्हाड ) : दोडी येथील जिल्हा परिषद प्राथमिक शाळेत लोकशाहीर अण्णाभाऊ साठे यांची जयंती उत्साहपूर्ण वातावरणात साजरी करण्यात आली. यावेळी अण्णाभाऊ साठे यांच्या प्रतिमेचे पूजन करून त्यांच्या सामाजिक, साहित्यिक आणि परिवर्तनवादी कार्याला अभिवादन करण्यात आले.
कार्यक्रमास आमदार गोकुळ गीते, उपसरपंच ज्ञानेश्वर आव्हाड, रोहित आव्हाड, अविनाश आव्हाड, गणेश सोनवणे, गणेश आव्हाड, ग्रामविकास अधिकारी भूषण लोहार, मुख्याध्यापक केदार सर, राधाकृष्ण वनवे, प्रदीप नागरे आणि माऊली आव्हाड यांची प्रमुख उपस्थिती होती.
यावेळी आमदार गोकुळ गीते यांच्या हस्ते वृक्षारोपण करण्यात आले. पर्यावरण संवर्धनाचा संदेश देत मान्यवरांनी वृक्षसंवर्धनाचे महत्त्व उपस्थितांना सांगितले. तसेच अण्णाभाऊ साठे यांच्या साहित्य, सामाजिक कार्य आणि समतेच्या विचारांचा विद्यार्थ्यांनी आदर्श घ्यावा, असे आवाहन करण्यात आले.
कार्यक्रमाचे आयोजन शाळेच्या वतीने करण्यात आले असून शिक्षक, विद्यार्थी व ग्रामस्थांनी उत्स्फूर्त सहभाग नोंदविला.
