निफाड | प्रतिनिधी : उत्तम जाधव :- लासलगाव बाजार समितीत कांद्याला मिळत असलेल्या अत्यल्प दरामुळे शेतकरी आर्थिक संकटात सापडला असून, या पार्श्वभूमीवर आमदार Rohit Pawar यांनी आंदोलनाचा इशारा दिला आहे. कांद्याला योग्य दर मिळावा, या मागणीसाठी १८ मे रोजी सकाळी १० वाजता लासलगाव कृषी उत्पन्न बाजार समिती येथे भव्य शेतकरी आंदोलन आयोजित करण्यात आले आहे.
सध्या कांदा उत्पादक शेतकऱ्यांना कवडीमोल दर मिळत असल्याने शेतकऱ्यांमध्ये तीव्र नाराजीचे वातावरण आहे. सरकारचे लक्ष वेधण्यासाठी हे आंदोलन निर्णायक ठरेल, असा इशारा आंदोलनकर्त्यांनी दिला आहे.
या आंदोलनात ललित दरेकर, खासदार Bhaskar Bhagare, माणिकराव शिंदे यांच्यासह जिल्ह्यातील विविध मान्यवर, कार्यकर्ते आणि शेतकरी मोठ्या संख्येने सहभागी होणार असल्याची माहिती आयोजकांनी दिली.
आंदोलनाच्या प्रमुख मागण्या ?
कांद्याला किमान हमीभाव जाहीर करावा
कांदा निर्यातबंदी तात्काळ हटवावी
नाफेडमार्फत कांदा खरेदी त्वरित सुरू करावी
लासलगाव मार्केट यार्ड येथे होणाऱ्या या आंदोलनासाठी मोठ्या संख्येने उपस्थित राहण्याचे आवाहन शेतकरी नेत्यांनी केले आहे.
