ब्रह्मपुरी:(प्रतिनिधी रुपेश देशमुख) दिल्ली येथे विद्यार्थ्यांवर झालेल्या लाठीहल्ल्याच्या निषेधार्थ आज ब्रह्मपुरीत तीव्र आंदोलन करण्यात आले. कम्युनिस्ट पक्ष आणि काँग्रेस पक्षाच्या कार्यकर्त्यांनी रस्त्यावर उतरून केंद्र सरकारविरोधात जोरदार घोषणाबाजी केली. आंदोलन अधिक आक्रमक होत असल्याचे पाहून पोलिसांनी आंदोलक कार्यकर्त्यांना ताब्यात घेतले आहे.
दिल्लीतील विद्यार्थ्यांवरील दडपशाहीच्या पार्श्वभूमीवर आज ब्रह्मपुरीत विरोधक कमालीचे आक्रमक झाले होते. काँग्रेस आणि कम्युनिस्ट पक्षाचे पदाधिकारी आणि कार्यकर्ते मुख्य चौकात गोळा झाले. त्यांनी मोदी सरकारच्या धोरणांचा तीव्र निषेध केला. “जब जब मोदी डरता है, पोलीस को आगे करता है!” अशा घोषणांनी संपूर्ण परिसर दणाणून सोडला होता.
आंदोलनामुळे काही काळ वाहतुकीला अडथळा निर्माण झाला. परिस्थिती नियंत्रणात आणण्यासाठी आणि कायदा-सुव्यवस्था राखण्यासाठी पोलिसांनी तात्काळ हस्तक्षेप केला. घोषणाबाजी करणाऱ्या काँग्रेस आणि कम्युनिस्ट पक्षाच्या कार्यकर्त्यांना पोलिसांनी ताब्यात घेऊन पोलीस गाडीत बसवून नेले. या आंदोलनामुळे ब्रह्मपुरीत काही काळ राजकीय वातावरण कमालीचे तापले होते.
