Times Of Maharashtra Desk : छत्रपती संभाजीनगर जिल्ह्यातील अंभई गटातून आमदार अब्दुल सत्तार यांचे चिरंजीव अब्दुल अमीर जिल्हा परिषद सदस्य म्हणून दणदणीत विजयी झाले आहेत. या निकालामुळे सत्तार कुटुंबाची राजकीय पकड जिल्ह्यात पुन्हा एकदा स्पष्ट झाली आहे.
शिवसेनेचे आमदार अब्दुल सत्तार यांनी आपल्या दुसऱ्या मुलाच्या राजकीय लॉन्चिंगसाठी अंभई गट निवडणुकीत जोरदार तयारी केली होती. मोठा मुलगा समीर सत्तार नगराध्यक्षपदी निवडून आल्यावर आता थोरल्या अमीर सत्तारला जिल्हा परिषदेत विजयी करून ‘सत्तार फॅक्टर’ कायम ठेवण्यात आला आहे.
अंभई गटातील चुरशीच्या लढतीत अब्दुल अमीर यांनी भाजपचे उमेदवार त्र्यंबक मारुती गव्हाणे यांचा सुमारे 3435 मतांनी पराभव केला. मतमोजणी दरम्यान सुरुवातीपासूनच अब्दुल अमीर आघाडीवर होते, हा फरक लक्षवेधी ठरला.
दरम्यान, सिल्लोड तालुक्यातील अजिंठा गटातून शिंदे सेनेचे जिल्हा परिषद सदस्य आणि पंचायत समितीचे दोन सदस्य विजयी झाले आहेत. हळदा गणात भाजपच्या अनुराधा गवळे यांचा 176 मतांनी विजय झाला, तर शिवसेनेच्या आयेशा बेगम नासेर हुसेन सय्यद अजिंठा गटातून विजयी ठरल्या आहेत.
