पुणे
रोटरी क्लब सिनर्जीच्या अध्यक्षपदी गिरीधर खानचंदानी यांची निवड करण्यात आली. मावळते अध्यक्ष अमित ठाकूर यांच्याकडून त्यांनी सूत्रे स्विकारली. सचिवपदी प्रिती मुन्शी यांची निवड करण्यात आली. त्यांनी प्रणोती पवार यांच्याकडून सूत्रे स्विकारली. इलेक्ट्रॉनिक को ऑप इस्टेट पुणे सातारा रोड येथे संपन्न झालेल्या या कार्यक्रम प्रसंगी माजी प्रांतपाल मोहन पालेशा, सहाय्यक प्रांतपाल वर्धमान गांधी आदी मान्यवरांच्या बरोबरच रोटरी पदाधिकारी, सदस्य व कुटुंबीय उपस्थित होते. या प्रसंगी बोलतांना नवनिर्वाचित अध्यक्ष गिरीधर खानचंदानी यांनी आगामी काळात शिक्षण, आरोग्य, पर्यावरण, महिला सक्षमीकरण, वारकरी सेवा इत्यादीसाठी विवध समाजोपयोगी प्रकल्प राबविणार असल्याचे सांगितले.
