पुणे : आगामी ८ सप्टेंबर रोजी पैगंबर जयंती निमित्त पार्श्वभूमीवर पुणे जिल्हा परिषदेच्या शिक्षण विभागाकडून पुणे शहरातील सर्व शाळांना सुट्टी जाहीर करण्यात आली आहे.
लष्कर पोलीस ठाण्याचे वरिष्ठ पोलीस निरीक्षक गिरीश दिघावकर यांनी या संदर्भात जिल्हा परिषदेच्या शिक्षण विभागाशी संपर्क साधत निवेदन दिले होते. या निवेदनानुसार मुस्लिम समाजाच्या धार्मिक कार्यक्रमाला न्याय मिळावा व कोणताही अनुचित प्रसंग घडू नये, यासाठी ८ सप्टेंबरला शाळांना सुट्टी द्यावी अशी मागणी करण्यात आली होती.
त्यावर कार्यवाही करत पुणे जिल्हा परिषदेने त्वरित आदेश काढत शाळांना सुट्टी जाहीर केली.
वरिष्ठ पोलीस निरीक्षक गिरीश दिघावकर यांच्या या उपक्रमामुळे मुस्लिम समाजामध्ये त्यांच्याबद्दल आपुलकी आणि विश्वास वाढल्याचे चित्र दिसून आले आहे. धार्मिक-सामाजिक सलोखा टिकवून ठेवण्यासाठी प्रशासनाकडून घेतलेले हे पाऊल कौतुकास्पद असल्याचे मत नागरिकांनी व्यक्त केले आहे.
या निर्णयामुळे ८ सप्टेंबर रोजी मोहर्रम निमित्त होणाऱ्या ताजीयांच्या मिरवणुका, धार्मिक कार्यक्रम आणि श्रद्धाळूंच्या सहभागासाठी सोयीस्कर वातावरण निर्माण झाले आहे.
