दौंड (प्रतिनिधी-मयुर साळवे, संघराज गायकवाड) महाराष्ट्र शासनाच्या वन विभागामार्फत मानद वन्यजीव रक्षक (Honorary Wildlife Warden) म्हणून नियुक्ती झालेल्या सर्प जीवन संस्था, दौंडचे अध्यक्ष नागेश जाधव यांचा दौंडचे आमदार ॲड. राहुलदादा कुल यांनी पुष्पगुच्छ देऊन सत्कार करत अभिनंदन केले. यावेळी सभापती गणेश जगदाळे, आबा जगताप, ऋषिकेश थोरात, राहुल मुळे आदी मान्यवर उपस्थित होते. उपस्थित मान्यवरांनी नागेश जाधव यांच्या वन्यजीव संरक्षण, सर्प बचाव व पर्यावरण जनजागृती क्षेत्रातील उल्लेखनीय कार्याचे कौतुक करून पुढील वाटचालीस शुभेच्छा दिल्या.
त्यानंतर सर्प जीवन संस्था, दौंड यांच्या वतीनेही नागेश जाधव यांचा शाल, श्रीफळ व पुष्पहार देऊन जाहीर सत्कार करण्यात आला. त्यांच्या या नियुक्तीमुळे संस्था तसेच दौंड तालुक्याच्या शिरपेचात मानाचा तुरा रोवला गेला असल्याची भावना उपस्थित सदस्यांनी व्यक्त केली.
या सत्कार समारंभास सर्प जीवन संस्थेचे योगेश पाटील, केदार कुलकर्णी, स्वप्निल शेटे, मयूर गुरव, संदीप परुळेकर, गणेश कराळे, योगेश कराळे, विकास शिंदे, शुभम निकम, स्वप्नील शिंदे, भीमा रणधीर, लक्ष्मण कुंजीर, शशांक धेंडे, श्रीकांत जाधव, गणेश पळसे आदी सदस्य मोठ्या संख्येने उपस्थित होते.
यावेळी उपस्थितांनी नागेश जाधव यांना पुढील वाटचालीस शुभेच्छा देत वन्यजीव संरक्षणासाठी अधिक जोमाने कार्य करण्याचा विश्वास व्यक्त केला.
