विनोद पवार ( जळगाव प्रतिनिधी) : पवित्र रमजान महिन्याच्या निमित्ताने वरणगाव शहरातील मुस्लिम समाजातर्फे भव्य इफ्तार पार्टीचे आयोजन करण्यात आले. या कार्यक्रमाला भुसावळ तालुक्याचे आमदार तसेच वस्त्रोद्योग मंत्री संजय भाऊ सावकारे यांनी उपस्थिती लावून हिंदू-मुस्लिम ऐक्याचा संदेश दिला.
या प्रसंगी विविध राजकीय पक्षांचे पदाधिकारी, सामाजिक कार्यकर्ते आणि नागरिक मोठ्या संख्येने सहभागी झाले होते. कार्यक्रमात आयुध निर्माणी वरणगावचे अधिकारी, स्थानिक नेते तसेच नगरसेवकांचीही उपस्थिती लक्षणीय होती.
इफ्तार पार्टीचे आयोजन माजी नगरसेवक साजिद कुरेशी, आसिफ शेख, पप्पू भाई जाकातदार, सईद मुल्लाजी आणि इतर कार्यकर्त्यांनी केले होते.
रमजानच्या पवित्र महिन्यात सर्वांनी एकत्र येत बंधुता, सामाजिक सलोखा आणि एकतेचा संदेश देत कार्यक्रम उत्साहात पार पडला.
