काशीफ सय्यद यांच्या वाढदिवसानिमित्त कोंढव्यात 3000 रेशनकिट वाटप व 5000 नागरिकांसाठी भोजन व्यवस्था
पुणे कोंढवा – राष्ट्रवादी काँग्रेस पक्षाचे पुणे शहर उपाध्यक्ष तसेच उमीद फाउंडेशनचे अध्यक्ष काशीफ सय्यद यांच्या वाढदिवसानिमित्त दरवर्षी प्रमाणे यंदाही समाजोपयोगी उपक्रम राबविण्यात आला. कोंढवा परिसरातील गरजू नागरिकांना 3000 हून अधिक रेशनकिटचे वाटप तसेच 5000 नागरिकांसाठी भोजनाची भव्य व्यवस्था करण्यात आली.
या उपक्रमाला नागरिकांकडून मोठा प्रतिसाद मिळाला. कार्यक्रमस्थळी नागरिकांची तुडुंब गर्दी झाली होती. गरजू कुटुंबांना अन्नधान्य आणि भोजनाचे वाटप करताना काशीफ सय्यद यांनी समाजाप्रती असलेल्या बांधिलकीचे उदाहरण घालून दिले. नागरिकांनी त्यांना या कार्यक्रमासाठी शुभेच्छा देखील दिल्या तसेच प्रेम रुपी आशीर्वाद दिले.
कार्यक्रमासाठी माजी मंत्री अमीन पठाण, अकरम खान, राष्ट्रवादीचे पुणे शहराध्यक्ष प्रशांत जगताप, माजी नगरसेविका रत्नप्रभा जगताप, अभिनेते जितू वर्मा, किशोर कांबळे, यांनी विशेष उपस्थिती लावून काशीफ सय्यद यांचे अभिनंदन केले. त्यांनी या समाजहिताच्या उपक्रमाचे कौतुक केले व अशा कार्यातूनच समाजात एकोपा व सहकार्य वाढते, असे मत व्यक्त केले.
यावेळी उमीद फाउंडेशनचे कार्यकर्ते आणि स्थानिक नागरिक मोठ्या संख्येने उपस्थित होते. कार्यक्रम यशस्वी करण्यासाठी काशीफ सय्यद यांच्या सहकाऱ्यांनी विशेष मेहनत घेतली.
