महाड (प्रतिनिधी दिनेश चाफळकर) : पत्रकार मित्र संघ आणि मार्शल आर्ट स्पोर्ट अकॅडमी रायगड यांच्या संयुक्त विद्यमाने समाजसेवा क्षेत्रात उल्लेखनीय कार्य करणारे समाजसेवक समीर सदानंद मालगुंणकर यांना प्रतिष्ठेचा “महाराष्ट्र रत्न” पुरस्कार प्रदान करून गौरविण्यात आले. विविध सामाजिक उपक्रमांमधून समाजातील गरजू, वंचित आणि आर्थिकदृष्ट्या दुर्बल घटकांना सातत्याने मदतीचा हात देत त्यांनी समाजात एक वेगळी ओळख निर्माण केली आहे.
समीर मालगुंणकर यांनी शिक्षण, आरोग्य, सामाजिक जनजागृती तसेच आपत्तीग्रस्तांना मदत अशा विविध क्षेत्रांत उल्लेखनीय कार्य केले आहे. त्यांच्या या निःस्वार्थ सेवाभावी कार्याची दखल घेत हा पुरस्कार त्यांना प्रदान करण्यात आला.
पुरस्कार वितरण सोहळा उत्साहपूर्ण वातावरणात पार पडला. यावेळी उपस्थित मान्यवरांच्या हस्ते त्यांना शाल, श्रीफळ, सन्मानचिन्ह आणि प्रशस्तीपत्र देऊन सन्मानित करण्यात आले.
कार्यक्रमाला विविध क्षेत्रातील मान्यवर, सामाजिक कार्यकर्ते, पत्रकार आणि नागरिक मोठ्या संख्येने उपस्थित होते. समीर मालगुंणकर यांच्या कार्याचे सर्व स्तरांतून कौतुक करण्यात आले. या पुरस्कारामुळे त्यांच्या सामाजिक कार्याला नवी प्रेरणा मिळाली असून परिसरातून त्यांच्यावर अभिनंदनाचा वर्षाव होत आहे.
